牛霸王

Open Now

Now Closed

最近好多朋友會po呢個igable嘅漢堡扒飯，見到咁鬼靚又想回味一下日式漢堡就過黎試試佢雖則係喺工廠大廈裡面，但個室內裝修，無論係燈光、檯檯凳凳擺位，都令人感覺好舒服秘製漢堡汁手打和牛漢堡扒丼飯第一啖入口會覺得個汁味道好似有啲鹹，dap真啲又唔係好鹹，係溫和嘅鹹味，漢堡扒個top有wasabi酸瓜，即係平時嘅醃製小黃瓜打碎再撈wasabi做成醬汁，唔會食到wasabi衝擊嘅味道，反而有較多嘅酸味；微微嘅辣味！漢堡扒本身好香牛味，洋蔥份量應該唔多，一啖食曬所有element口感好豐富，但個人喜好黎講覺得酸瓜係開胃前菜，我比較鍾意漢堡扒配漢堡汁同飯日式牛肉薯餅做到好綿密，薯餅本身炸完無咩油係底，但外脆內軟味道上有微微甜味，好好食芝麻雞翼面頭會有七味粉，所以有少少辣，好脆，肉質嫩白味噌汁手打芝士安格斯漢堡扒丼見有個咁特別嘅醬汁就必定要試下味噌唔會太鹹，係溫和嘅味噌味，食完唔會口渴，正常跟個汁都唔會想食曬，但今次叫左多汁都清盤，安格斯嘅肉味比較明顯，而芝士會帶少少酸味，應該係俾芥辣酸瓜影響左，個人覺得無芝士嗰款好味啲！