黑龍

Open Now

Now Closed

位於灣仔嘅「黑龍拉麵」，麵店貫徹一般的日本風格，簡約風格配以木材設計，麵店座位數量不多，入座後，店員立刻送上冰水🧊，好有去咗日本食拉麵嘅感覺。用QR code落單，可自選規格，選擇自己喜歡嘅配搭。🍜牛筋BLACK拉麵麵質選擇了基本，有蔥和洋蔥，一大碗熱辣辣嘅拉麵，牛湯香濃無比，喝一口暖湯入肚，暖胃又暖心。叉燒兩大片不油不膩，牛筋又軟又嫩，溏心蛋蛋黃的口感非常濕潤，但有甘醇的醬漬風味，加上拉麵非常掛汁，能同一時間感受到麵和湯汁。🍜櫻海老沾麵（小 200G)沾麵可以選熱食或凍食，我選了熱食，麵質富彈性，雖然是小的份量，但沾麵份量算多，櫻花蝦湯底被滿滿嘅櫻花蝦覆蓋住。雞皮餃子以雞皮取代傳統餃子皮，炸後外皮金黃酥脆，餡料飽滿，搭配啤酒或可樂非常邪惡。