下町天丼 秋光 (Closed)

之前喺東京食過天丼，簡直驚為天人，不過喺香港好食嘅天婦羅店為數不多，偶然之下得知天丼專門店下町天丼秋光開設首間香港分店，約番同遊東京好姊妹回味天婦羅丼。天丼專門店據說無論米飯、食材都由日本入口，炸天婦羅的方法及醬汁製法都跟足傳統，賣相與味道都跟淺草總店一模一樣。餐牌中五代目天丼似乎最適合有選擇困難症嘅我地，五代目天丼嚴選七種時令海產入饌，今次就有鰻魚、鰻魚骨、虎蝦、櫻花蝦、尖魚、白身魚、南瓜等七種食材，配特調醬汁同吃。天丼有濃香麻油味，炸槳較厚，食材新鮮肉厚，堆得滿滿的一大碗，食材比白飯還多，喜不喜歡見人見智。個人覺得味道還可以，不過食到最後會有少少飽滯。天丼以套餐型式上，配菜有小魚乾、煙燻鴨胸沙律、味噌湯、蜜瓜同餐茶等，每樣配菜做得不錯，如沙律新鮮爽脆，味噌湯材料豐富。