Video
Read full review
2020-02-21
4471 views
近排雖然少左出街，但間中都會過去鰂魚涌公園跑下步，然後行落去北角搵食。上次去左「北角匯」食韓國魚糕串，今日竟然有人主動提出話要帶我去試新嘢，我當然樂意奉陪。原來有人 睇中左一樓呢以淺木色為主調嘅「豚豚食堂」。餐廳門面非常搶眼，離遠已經見到門口頂頭掛了一列日式大燈籠， 顯得特別 Sharp 醒。踏進店，內裡地方雖然不算很大，但勝在燈光火猛，而且座位之間亦算闊落，讓人坐得舒服。餐牌印刷得非常精美，圖文並茂，選擇頗多。其實剛才進店前已經喺門外細心研究過餐牌，所以入座後便可以立即點餐。我哋揀左個自選二人套餐 ($228)，套餐可以任選 2 款拉麵或飯及 3 款指定小食。小食點左燒雞翼 2 串及燒雞軟骨 2 串、炒魷魚鬚、炸豆腐；而主食就揀左牛肉咖哩飯同黑豚拉麵 (+$5)。燒雞翼 2 串及燒雞軟骨 2 串：雞翼好大隻，而且全部都已經𠝹開左，非常方便享用。雞皮燒至微焦，入口超級香脆，雞肉很嫰滑，有肉汁，一點也不乾。至於雞軟骨味道亦唔錯，不但油份充足，而且軟骨位亦夠曬咬口，唧上少許檸檬汁吃，鮮嫩味美。炒魷魚鬚：魷魚鬚很粗身，非常彈牙， 最鍾意就係個汁，調教得啱啱好，配魷魚鬚吃，入味又有嚼勁。炸豆腐
原來有人 睇中左一樓呢以淺木色為主調嘅「豚豚食堂」。餐廳門面非常搶眼，離遠已經見到門口頂頭掛了一列日式大燈籠， 顯得特別 Sharp 醒。踏進店，內裡地方雖然不算很大，但勝在燈光火猛，而且座位之間亦算闊落，讓人坐得舒服。
餐牌印刷得非常精美，圖文並茂，選擇頗多。其實剛才進店前已經喺門外細心研究過餐牌，所以入座後便可以立即點餐。
我哋揀左個自選二人套餐 ($228)，套餐可以任選 2 款拉麵或飯及 3 款指定小食。小食點左燒雞翼 2 串及燒雞軟骨 2 串、炒魷魚鬚、炸豆腐；而主食就揀左牛肉咖哩飯同黑豚拉麵 (+$5)。
燒雞翼 2 串及燒雞軟骨 2 串：雞翼好大隻，而且全部都已經𠝹開左，非常方便享用。雞皮燒至微焦，入口超級香脆，雞肉很嫰滑，有肉汁，一點也不乾。至於雞軟骨味道亦唔錯，不但油份充足，而且軟骨位亦夠曬咬口，唧上少許檸檬汁吃，鮮嫩味美。
炒魷魚鬚：魷魚鬚很粗身，非常彈牙， 最鍾意就係個汁，調教得啱啱好，配魷魚鬚吃，入味又有嚼勁。
炸豆腐：豆腐輕輕炸過，再喺表面淋上醬汁同木魚絲，食落外層甘香，內裡滑溜，豆味香濃又不會一夾即散，十分好吃。
牛肉咖哩飯：牛肉飯賣相唔錯，牛肉上碟時已切成薄片，再加上洋蔥，滋味十足！米飯圓潤飽滿，煮得軟硬剛好，粒粒分明有咬口。拌吃的咖喱，稠身得來又夠多汁，入口香甜富辛香，用來撈飯吃一流。
壓尾的黑豚拉麵，味道亦相當不俗。一上檯已經聞到好香嘅麻油味，令人食指大動。先舀起湯底嘗一口，蒜香味好重，既濃厚又豐腴，但喝起來一點也不覺膩滯。麵條掛湯力十足，好惹味。叉燒有兩大塊，如手心般大小，入口肉質軟嫩，肥瘦適中，配埋爽口彈牙的木耳絲，滋味好吃。
總結各樣食物都唔錯， 價錢適中，地點就腳，座位也舒服，約人吃飯一流！
Post
