太吉

Open Now

Now Closed

星期六晚放工約左朋友西環飲酒，行行下無意中發現呢間居酒屋 入到去，場內的氣氛非常好，牆身貼滿好多酒既貼紙，裝修都比我感覺好有日本feel，不過鋪頭唔係好大，枱都唔係太多，呢到就適合同2-4朋友傾下計，吹下水 樓面妹妹們都忙於熱情地招乎客人，入到去已經有好幾枱客，同樓面妹妹有講有笑，應該係熟客仔。當我們坐低，應該是店內其中一位老闆，非常熱情地推介店內介紹的串燒。去居酒屋 唔飲酒 點對得住自己，嗌左杯梅酒飲拎黎送串燒食。68蚊一杯燒白鱔(魚皮香脆，魚肉肥美嫩滑） 雞心串 （ 好煙韌非常好吃，而且好香口，食完都忍唔住要再要叫多2串） 雞肝（第一啖咬落去好粉，好嫩口，重要係粉紅色）串燒雞腎 （燒得好香，夠爽口） 生蠔（有d紅色既蓉，蔥花，加埋廚師自己調教既酸汁 酸酸地 好好味，易入口，唔錯既選擇） 翠肉瓜（大大舊，咬落去好juice，值得推介） 雞皮（呢個值得一試，一咬落去sousou聲，脆得黎又香口） 雞胸軟骨（非常爽口，脆卜卜，燒得出色，加上我本人中意食軟骨位） 燒牛舌（外脆內嫩，燒得唔錯） 燒冬菇（干左小小，但都接受到既） 整體黎講，食物唔錯，有心機，廚師落鹽控制得好好，唔會偏咸/無味可