麵屋黑岩

Open Now

Now Closed

平時都已經好鍾意食拉麵，每次經過見到呢間拉麵店度都感覺好日本feel，好似好正宗咁，所以就今次入咗去試，入到去客人都唔少，好有期待，叫咗兩個拉麵同一個小食，一個係海老，一個係黑蒜，然後我哋追加左一隻糖心蛋，一份炸魷魚，兩個拉麵到咗之後，黑蒜同幅相好似爭少少🤔🤔🤔不過唔緊要，味道先係最重要呀嘛，食落去蒜頭味唔唔會太重，湯底幾濃郁，至於上面嗰塊日本叉燒，佢會俾你揀厚切定係火炙，我揀咗厚切，嚟到真係超級厚切，啖啖肉，不過肥肉比較多，但係整體都唔差，只於海老拉麵，好香蝦味，一樣湯底好濃郁，應該都有蝦湯嘅成份係入邊，呢碗揀咗火炙日本叉燒，有煙燻嘅味道，亦都係唔太差，只糖心蛋出乎意料之外好味，真係流心之餘蛋白亦都好入味👍🏻👍🏻👍🏻最後酥炸魷魚，不過不失。