上岸料理 (Closed)

星期五響尖沙咀食飯好難搵位，好彩朋友夠細心， 一早book定上岸日本料理，天氣咁酷熱，食日本菜絕對係相當不錯嘅選擇。入到餐廳裏面，裝修擺設簡簡單單，甚具日本風格。睇完餐牌後，點左個日式芝麻醬番茄沙律。蕃茄好新鮮又多汁，將日本芝麻醬混在一起十分之開胃左口魚薄切，雖然切得好薄，但仍然十分彈牙，好甜。中間有蘿蔔蓉同蔥，夾住食又有另一番風味。刺身五點，隨職員發板，有紅衫魚，赤鯥魚，石垣貝，赤貝同赤鯥魚鬚卷。刺身好新鮮，厚切有口感。紅衫魚同赤鯥魚燒過，外皮小小焦香。石垣貝同赤又爽又甜！呢個軟殼蟹沙律亦都係職員介紹，軟殼蟹新鮮炸起，既熱辣辣又超級香脆惹味！超高水準之作！穴子壽司同埋海膽白魚壽司，海膽白魚壽司好特別， 甜甜的白魚包住海水味濃烈又creamy的海膽。穴子壽司則比較味道濃烈。最後要買甜品就大功告成，紫薯雪糕味道幾特別，奶味重，中間隱約食到紫薯香味。