里木

Open Now

Now Closed

前幾日公司發獎金俾每位員工，打算豪一豪佢，食餐勁嘅，所以就係網上搵啲高級餐廳，搵到呢間尖沙咀高級豪華嘅日本餐廳「里木」，真係好高級，不如就嚟體驗一次豪華嘅日本料理。呢度真係太高級，平時應該唔係咁嚟，菜色同食材陣容睇住都非常豪華，可以享受一番。我呢度叫嘅係佢哋最豪華嘅「夏の海膽奢華體驗」，一人1980蚊，食物陣容同套餐名一樣，真係好奢華。入面嘅象拔蚌同粒貝真係好好食，問咗廚師入面粒貝配嘅係沖繩水雲，口味好豐富。然後牡蠣嘅肉質好滑，開口入面仲有嚼頭。牡丹蝦配埋佢哋嘅海膽都係口味豐富，牡丹蝦入口即化，然後海膽嘅鮮味好提起食慾。第一次食到魚子醬，原來魚子醬嘅味道咁鮮，邊食再配個魚湯，鮮上加鮮，味道真係好好。殼付原隻海膽仲可以食到海膽最原始嘅味道，旁邊仲有和牛海膽熱狗，增添風味。密瓜嘅味道都非常甜。成個套餐體驗落嚟真係有奢華嘅感覺，都係啲平時食唔到嘅高級嘢，下次仲會機會再嚟體驗。