花木日本料理 (Closed)

今年團年飯，我地揀左日本料理，花木呢間餐廳都幾高質，入到去完全感覺系日本高級餐廳的環境，裝修超有日本味，設有獨立包間，環境堅一流，冇得輸！有套餐也可以散點，十分精緻，果然系高級吖！大根沙律，蘿蔔非常爽甜，水份十足，脆察察，沙律汁酸酸咪咪好開胃。特選壽司10件，賣相超正，樓梯赦款擺盤，逐格盤旋，有帶子壽司，海膽壽司，甜蝦壽司，三文司壽司，吞拿魚壽司，油甘魚壽司，左口魚邊壽司，池魚壽司，八爪魚壽司，真鯛壽司。海膽海水味好濃，鮮甜新鮮。三文魚厚切，冇渣又新鮮，質素好高。帶子壽司鮮甜到呢，大大粒帶子口感一流，非常肥美。什錦天婦羅，三枝大蝦，有南瓜，蘆筍，蕃薯，炸粉好薄，不油膩，南瓜鮮甜，質素好高。明太子燒飯團，外脆內糯，燒得好香，好滿足！賣相超級正，簡直糸藝術品，綠茶凍凍日本味十足吖，紅豆蓉好綿密，甜絲絲，好好味！