奈良上釜 (Closed)

平時經過登龍街，都會見到有間餐廳成日噴啲煙出黎，外面裝修非常之日式，但就好少有機會食到，今次同事約咗食飯，話想試吓呢間日本野，所以就去咗啦。原來斧飯嘅意思就係日式嘅煲仔飯，一坐低見到每個人都有一個鍋，幾特別，幾搞笑，佢晏晝好似只做book枱，全場都full嘅，如果想食記住book枱啦。由於好驚中伏所以今次比較保守，要咗雞肉，其實佢仲有一啲更加吸引，例如蟹啊蜆好啊海鮮之類嘅餸，但係好驚嚟到份量好少 ，乾爭爭，所以就冇揀到。成個set其實都幾正常，似係屋企煮嘅飯，我嘅雞肉都幾嫩，味道亦都唔會偏咸，飯有啲雞汁，但有少少濕，但佢但個飯啲飯焦好味，晏就黎講講都要$100以上，所以都小小貴。