日本野 (Closed)

好耐都冇去過旺角食嘢，今次嚟咗銀城商場呢間日本嘢。今次叫咗一個吉列牛肉燒，呢個吉列牛肉燒定食入邊包咗八塊牛肉，青瓜沙律前菜同埋一碗飯。份量來講對於一個人係十分之足夠，而且好欣賞店員，佢見到個爐就嚟冇火，就會馬上過嚟加一粒燃料俾我哋。另外我哋叫咗一個牛油果炸蝦卷。呢個牛油果炸蝦卷嘅份量十分之大，如果兩個人食嘅話，我建議叫一碟壽司就可以了。呢份蝦卷壽司嘅份量都比較多，所以唔需要驚唔夠飽。最後叫咗一個壽司拼盤，壽司拼盤裏面嘅款式都比較多，大概有八樣唔同款嘅魚生壽司。當中最鍾意係佢嘅左口魚。總括嚟講日本野都比較多款式，而且亦都滿足到去日本食吉列牛肉燒嘅慾望。