博多拉麵別天神 (Closed)

因為幪面超人關係，去銅鑼灣行街就特地來呢度搵食。呢間拉麵店門面好細，有機會行過左都唔知，好彩佢門口有個易拉架見到拉打。呢個店好有日本拉麵店特色，係門口有部機自助買飛落order，店內坐位不多，10個左右🤔，無認真數過。2個人叫左2個套餐，一個別天神套餐，一個蝦味噌套餐，配小龍蝦蟹籽沙律及餃子。湯底好濃好好味，拉麵軟硬適中，別天神叉燒比蝦味噌嘅厚好多，唔知係咁岩定各有特色🤔，我鍾意食半熟蛋，一啜入口就溶左🤭。小龍蝦蟹籽沙律估唔到好多小龍蝦喎，啖啖肉，味道都唔差。餃子就一般，不過不失啦，同其他拉麵店差不多。