牡蠣小屋

Open Now

Now Closed

店家既主角係日本直送既新鮮生蠔，當然要品嚐一下，order左兩款生蠔。北海道真蠔($138)，size最大隻，入口軟滑，咬開後內裏既蠔汁好似流心一樣慢慢流出來，口感一流，但蠔味會淡一d。岩手懸蠔($108)，size較北海道蠔細小一d，但蠔既鮮味較突出，海水味亦較濃郁。日本產生蠔涮涮鍋($480)，共有6隻生蠔和鮮嫩配菜，先將配菜全部放入鍋，待湯底沸騰後亦可以放蠔煮熟，只需10至30秒便可，不要放太耐，蠔既外形飽滿，味濃，內裏juicy。免治雞肉($38)，雞肉棒內裏釀入左雞軟骨，食起上黎口感增加不小，蛋汁同樣係精髓，令雞肉質感更加滑。牛舌($48)，燒得岩岩好，唔會太韌，食落爽口彈牙，而且牛舌既香味重，仲有襯到絕既黑椒粒，橙紅色既醬料係帶微辣味道。十款盛合($268)，餐牌上不會列明有邊十款壽司，原因係因應店家當天有咩上盛食材而去製作，等同廚師發辦一樣，十款壽司都好新鮮鮮味，我個人最鐘意係牡丹蝦和中拖羅壽司。