Video
Read full review
2022-09-09
157 views
自上次同阿妹食完一間高級鐵板燒就對鐵板燒既熱情升溫不少,見呢間餐廳普遍既評價都幾好,今晚又黎同阿妹豪刷一餐七點去到餐廳客人唔算多,只有一枱,感覺幾清優舒服,餐廳佈局分左右兩邊吧枱,因此每位食客都可以睇到廚師精湛既廚藝同新鮮既食材我地兩個被安排坐喺右手邊既吧枱,最左手邊仲可以見到個魚池睇到生猛既海鮮,諗到一陣就可以食到都流晒口水今晚揀左個$2688 既D餐(二人餐)日本野菜沙律餐廳提供左幾種汁可以揀,有蕃茄蒜汁、柚子醋同芥末醋,我就揀左最穩陣既柚子醋,味道酸酸甜甜十分醒胃,除左新鮮又顏色鮮艷既沙律菜之外,仲有幾隻蝦仁,肉質都爽口彈牙,同埋又係有蓮芋好過癮日本原隻白松貝日本人叫既白松貝即係我地叫既象拔蚌,平時象拔蚌都係食刺身既多,因為刺身先最鮮甜,令我意想不到既係今晚呢個鐵板燒既象拔蚌竟然超乎我想像既鮮甜,廚師十分細心,放最上面既係拔既部分,口感比較爽口彈牙,味道都係鮮甜既,就算唔點旁邊既芥末忌廉汁都已經好好食,而下面幾舊就係象拔蚌既膽部分,雖然口感不及拔既爽脆,但鮮甜味十足更加濃味,最下面既係雞冠海草,無咩味道既,但廚師話有豐富骨膠原,咁當然要食埋啦,點番個汁食就啱啱好西澳龍蝦原隻澳洲龍
七點去到餐廳客人唔算多,只有一枱,感覺幾清優舒服,餐廳佈局分左右兩邊吧枱,因此每位食客都可以睇到廚師精湛既廚藝同新鮮既食材
我地兩個被安排坐喺右手邊既吧枱,最左手邊仲可以見到個魚池睇到生猛既海鮮,諗到一陣就可以食到都流晒口水
今晚揀左個$2688 既D餐(二人餐)
日本野菜沙律
餐廳提供左幾種汁可以揀,有蕃茄蒜汁、柚子醋同芥末醋,我就揀左最穩陣既柚子醋,味道酸酸甜甜十分醒胃,除左新鮮又顏色鮮艷既沙律菜之外,仲有幾隻蝦仁,肉質都爽口彈牙,同埋又係有蓮芋好過癮
日本野菜沙律
21 views
0 likes
0 comments
日本野菜沙律
15 views
0 likes
0 comments
日本原隻白松貝
日本人叫既白松貝即係我地叫既象拔蚌,平時象拔蚌都係食刺身既多,因為刺身先最鮮甜,令我意想不到既係今晚呢個鐵板燒既象拔蚌竟然超乎我想像既鮮甜,廚師十分細心,放最上面既係拔既部分,口感比較爽口彈牙,味道都係鮮甜既,就算唔點旁邊既芥末忌廉汁都已經好好食,而下面幾舊就係象拔蚌既膽部分,雖然口感不及拔既爽脆,但鮮甜味十足更加濃味,最下面既係雞冠海草,無咩味道既,但廚師話有豐富骨膠原,咁當然要食埋啦,點番個汁食就啱啱好
16 views
0 likes
0 comments
日本原隻白松貝
16 views
0 likes
0 comments
西澳龍蝦
西澳龍蝦
28 views
0 likes
0 comments
原隻澳洲龍蝦,睇樣已經好吸引,廚師亦煮得十分講究,首先煮既係龍蝦鬚,煮熟定型,預備用黎做伴碟之用,再黎原隻開邊龍蝦會先煮一煮,煮到稍熟就可以離殼再切件,再黎就係用番龍蝦頭既膏加上海膽,牛油同酒煮成既汁再燴一下,連煎好既大啡菇都一樣有用個汁燴一燴,真係一絲不苟
西澳龍蝦
16 views
0 likes
0 comments
西澳龍蝦
9 views
0 likes
0 comments
廚師話個龍蝦煮到八成熟可以食到個彈牙又食到個鮮味,個火侯廚師的確拿捏得好好,我地食到既感覺正如廚師所講咁,肉質彈牙得黎唔會好韌又食到個鮮味,配堆個香濃既醬汁真係無得彈,個大啡菇都煎得好juicy
厚燒加薄燒既日本和牛
厚燒加薄燒日本和牛
2 views
0 likes
0 comments
厚燒加薄燒日本和牛
1 views
0 likes
0 comments
厚燒日本和牛
2 views
0 likes
0 comments
兩款都好正,未煎既時候已經見到個薄燒和牛既脂肪分佈得好平均,廚師先炒香一堆䓤蒜,煎好和牛再捲入去,一放入口和牛既油香再配埋蔥蒜真係一絕,阿妹食完都讚不絕口
厚燒相比薄燒就更右加食到個口感,肉質稔滑有濃濃既牛味,加埋少少竹炭海鹽味道啱啱好,廚師介紹話個和牛係保持冰鮮而無冷藏過所以唔會有血水,呢啲道理我唔太了解,反正就係好食啦,連啲配菜都一樣俾我清晒,配菜有比較少見既日本既白露荀,南瓜同蕃薯,配菜都咁出色,所以全部都無得留低,俾我清晒
三文魚籽海膽炒飯
海膽鮮甜無腥味,炒飯炒得好乾身,粒粒分明,炒飯既配料都係爽口既,其實食到呢碟已經飽,但最後個炒飯都食晒就唔洗講咁多啦
三文魚籽海膽炒飯
5 views
0 likes
0 comments
三文魚籽海膽炒飯
8 views
0 likes
0 comments
昆布鰹魚清湯
個湯真係好清,配料有本菇,北寄貝同海草,食完濃味野清一清都不失為一個好既方案
昆布鰹魚清湯
25 views
0 likes
0 comments
甜品
豐富既一餐都要有一個甜品作結先叫圓滿既,雪糕有柚子,士多啤梨,雲喱拿同朱古力可以揀,阿妹揀左少有既柚子,而我就保守派揀士多啤梨,士多啤梨味食落似某M字頭品牌出品,柚子味就有驚喜,真係好有柚子味,威化卷都脆
P.S: 廚師服務態度好好,每煮好一道菜都會做番介紹,服務員亦好有禮貌同友善,好勤力加茶
Post
