616牛肉火鍋專門店

Open Now

Now Closed

日本直送信州和牛之《616麥子》餐廳乾淨企理，裝修新淨簡潔，坐位舒服，員工安排我地座左近窗口位，服務幾好同有禮貌，主動幫我地加單，醬料都好多選擇，有自助冷熱水區，落單用平板，唔用紙張，十分環保，食物質素非常好，因為分左牛既部位，每張落單紙會寫明係咩部位，個人好中意食和牛肩胛骨，肉質十分嫩滑，牛駝峰都好好食，師傅刀功好好，每片厚薄都一樣，牛舌厚薄剛好，爽口彈牙，基本上牛每個部位，肉質口感，味道都不同，如果中意食牛大家可以不妨一試，因為《616麥子》真係有好多不同牛既部位可以食到，重點係有日本直送信州和牛，呢個價錢絕對抵食，另外湯底叫左牛骨湯，都有幾舊牛骨、牛肉同牛筋，湯底處理得好無咩血水，食完成餐飯都湯底都無咩油脂，飲左幾啖都好濃郁牛肉味。