Video
Read full review
2023-04-16
156 views
-🍽🍴🍽🍴🍽 🍴 🐟🐟🐟🐟🐟🍴 🍽🍴🍽🍴🍽-裝修好有日本風格，大木門喺海光街上好易認得出，入到去燈光比較暗似日式居酒屋，雖然坐中間shared table 櫈仔唔太舒服，但整體感覺都唔錯，放lunch 可以喺度放鬆下為自己叉個快電😙。🥢 麻醬呑拿魚丼 🆗本身都有啲期待麻醬但食落冇咩味，唔講都唔知有撈到醬，所以唔係太特別。呑拿魚偏赤身，襯埋三文魚子同蟹籽感覺幾清新。🥢 海寶丼 🆗海寶丼有分3個level (並/上/ 特上), 上level 有真雪蟹，份量多到差唔到蓋住哂成碗飯，值得一提係佢地嘅海鮮份量夠多，唔會食到一半剩低哂d白飯冇餸👍。如果再想食得豐盛d, 特上level 貴$45蚊有甜蝦同海膽🤩。🥢 炸雞件 (會員換領) 🆗Download 海街丼app登記做會員，首次消費就會送炸雞/啤酒😋。因為新鮮炸嘅所以等得有少少耐，炸粉有淡淡嘅柚子胡椒味，炸皮有少少厚，但雞肉都大舊而且嫩，淨係食雞肉食到有酒味，好香口🤤。免費但都唔會hea 👍。📌配菜有碗透明狀嘅醋啫喱😯，就咁食有d酸，店員推介撈飯食，果然有驚喜，本身飯底係熱嘅白飯，有別於其他日本料理用嘅醋飯，所以撈埋啫喱嚟食好開胃，又可以自
🍽🍴🍽🍴🍽 🍴 🐟🐟🐟🐟🐟🍴 🍽🍴🍽🍴🍽
-
裝修好有日本風格，大木門喺海光街上好易認得出，入到去燈光比較暗似日式居酒屋，雖然坐中間shared table 櫈仔唔太舒服，但整體感覺都唔錯，放lunch 可以喺度放鬆下為自己叉個快電😙。
🥢 麻醬呑拿魚丼 🆗
本身都有啲期待麻醬但食落冇咩味，唔講都唔知有撈到醬，所以唔係太特別。呑拿魚偏赤身，襯埋三文魚子同蟹籽感覺幾清新。
🥢 海寶丼 [上] 🆗
海寶丼有分3個level (並/上/ 特上), 上level 有真雪蟹，份量多到差唔到蓋住哂成碗飯，值得一提係佢地嘅海鮮份量夠多，唔會食到一半剩低哂d白飯冇餸👍。如果再想食得豐盛d, 特上level 貴$45蚊有甜蝦同海膽🤩。
🥢 炸雞件 (會員換領) 🆗
Download 海街丼app登記做會員，首次消費就會送炸雞/啤酒😋。因為新鮮炸嘅所以等得有少少耐，炸粉有淡淡嘅柚子胡椒味，炸皮有少少厚，但雞肉都大舊而且嫩，淨係食雞肉食到有酒味，好香口🤤。免費但都唔會hea 👍。
📌配菜有碗透明狀嘅醋啫喱😯，就咁食有d酸，店員推介撈飯食，果然有驚喜，本身飯底係熱嘅白飯，有別於其他日本料理用嘅醋飯，所以撈埋啫喱嚟食好開胃，又可以自己調節飯嘅酸度🤩。
📌不設訂位所以weekday lunch time 好多人排隊，天氣熱又曬排隊會比較辛苦，不過turnover 都算快，上菜快而且食完後店員都好快執枱，所以12:45pm 到，二人枱等咗五分鐘都入到！記住人齊先會安排入座~
-
🌟評價 𝗥𝗮𝘁𝗶𝗻𝗴𝘀🌟
食物 𝗙𝗼𝗼𝗱 7/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10
服務 𝗦𝗲𝗿𝘃𝗶𝗰𝗲 6.5/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 6.5/10
整體 𝗢𝘃𝗲𝗿𝗮𝗹𝗹 6.75/10
-
🍽🍴🍽🍴🍽 🍴🐟🐟🐟🐟🐟🍴 🍽🍴🍽🍴🍽
-
🗺 海街丼 (海光街) (鰂魚涌)
鰂魚涌海光街7-9號龍景大廈地下6號舖
🗺 海街丼 (東港城) (將軍澳)
將軍澳重華路8號東港城1樓186號舖
🗺 海街丼 (E-Max 國際展貿中心) (九龍灣)
九龍灣展貿徑1號E-Max 國際展貿中心B1樓B145號舖
🗺 海街丼 (北角匯) (北角)
北角渣華道123號北角匯二期地下G38號舖
-
Post