稻乙日本料理

Open Now

Now Closed

同朋友去慶祝生日又食日本菜朋友揀左間食過嘅日本餐廳，話同我一齊試下喎～朋友大晒所以全部佢話事揀左小食刺身壽司拼盤乜都有！先黎左鮟鱇魚肝朋友話好特別㗎喎，唔會腥嘅～食落比鵝肝更有口感，但一樣帶少少creamy感覺鮫鰈魚薄切朋友話呢類刺身係比較少見嘅唔係沾醬油去食，而係沾混和蔥同蘿蔔蓉嘅酸汁口味酸酸甜甜，魚味較清淡其中兩件係火炙過鮫鰈魚塊，魚油豐腴～美味！日本真蠔超大隻超厚肉仲有啲海草一齊食口感超豐富！壽司拼盤超豪之選有池魚，海膽，左口魚，右口魚，大拖羅，帶子全部都好好味大拖羅超肥美！朋友果然好介紹見到呢度仲有間房多啲人黎玩都唔怕嘈，夠晒privacy!