Video
Read full review
2024-06-26
22 views
呢間已經係第三次回訪嘅餐廳 之前都係去銅鑼灣分店 估唔到今次就喺元朗新商場新開 裝修同其他分店一樣都係以黑色為主 但係行到餐廳最尾有部份座位有窗 成個感覺就開揚好多 今次就叫埋屋企人一齊去試下佢地set lunch 黑毛和牛大判燒盛合 ($368)🐮🍱之前試過佢哋嘅大判燒 印象非常深刻 因為實在太好味😋 今次見到呢個lunch set 可以試基本唔同嘢 所以諗都唔使諗就直接揀咗佢 除咗大盤燒之外仲有鹿兒島和牛裹腹小排同埋鹿兒島和牛背末脊肉 全部肉質都多汁嫩滑 其中特別欣賞嘅係裏腹小排 雪花相對比較多 而且入口即溶 好好食👍🏻 呢個套餐嘅份量絕對可以同朋友share😊 Kakura 和牛飯($98)🐮🍚屋企人唔想淨係食燒肉都想試吓佢哋其他嘅lunch set 就叫咗呢一款和牛飯 原本以為係普通嘢 估唔到牛嘅質素同樣咁高質 和牛肉質好淋 完全唔會韌 而且好有牛味 呢個絕對係熟食之選牛舌🐮👅(+$48)牛舌係薄切牛舌片 燒2燒好快就熟 食落幾有牛味 可以套餐加配 都幾抵食若雞雞腿🍗($78) 呢個係每次嚟都會必點 因為雞腿肉好嫩滑 識落亦好有咬口 而且份量都幾多 推介💯白桃乳酸梳打($20)
黑毛和牛大判燒盛合 ($368)🐮🍱
之前試過佢哋嘅大判燒 印象非常深刻 因為實在太好味😋 今次見到呢個lunch set 可以試基本唔同嘢 所以諗都唔使諗就直接揀咗佢 除咗大盤燒之外仲有鹿兒島和牛裹腹小排同埋鹿兒島和牛背末脊肉 全部肉質都多汁嫩滑 其中特別欣賞嘅係裏腹小排 雪花相對比較多 而且入口即溶 好好食👍🏻 呢個套餐嘅份量絕對可以同朋友share😊
Kakura 和牛飯($98)🐮🍚
屋企人唔想淨係食燒肉都想試吓佢哋其他嘅lunch set 就叫咗呢一款和牛飯 原本以為係普通嘢 估唔到牛嘅質素同樣咁高質 和牛肉質好淋 完全唔會韌 而且好有牛味 呢個絕對係熟食之選
牛舌🐮👅(+$48)
牛舌係薄切牛舌片 燒2燒好快就熟 食落幾有牛味 可以套餐加配 都幾抵食
若雞雞腿🍗($78)
呢個係每次嚟都會必點 因為雞腿肉好嫩滑 識落亦好有咬口 而且份量都幾多 推介💯
白桃乳酸梳打($20)🍑🍹
餐廳飲品嘅種類都幾多 drink list拍得住居酒屋 今次就揀咗白桃乳酸梳打 酸酸甜甜嘅開胃🤤
甜品🍧
用餐完畢 每位客人都會送上一個精緻嘅甜品 甜品包括會有杏仁豆腐同埋一粒雪米糍 估唔到都幾有驚喜 唔單止有樣 仲好好味 屋企人都大讚😋
Post
