Video
Read full review
2022-11-13
55 views
📍 📍 📍 日本野(旺角)旺角西洋菜南街2A號 銀城廣場9樓👉 火灸碟魚裙邊海膽丼(隨餐送麵豉湯或沙律)💰$168😋😋😋😋/5性價比極高嘅魚生丼，面層最搶眼嘅當然係大大啖又靚又鮮甜嘅海膽啦，平時叫四件海膽軍艦都未必有咁嘅份量🥹然後鋪喺底層係另一位主角，滿滿嘅碟魚裙邊火灸過後濃郁嘅魚油香迫曬出嚟，入口暖暖甘甜嘅魚香再慢慢滲出，回過神來成碗飯丼已經比我清晒🥹👉 石燒霜降吉列牛小扒定食(隨餐可以揀 糖心蛋 或 溫泉蛋+麵鼓湯)💰$248😋😋😋😋/5薄薄嘅吉列外層竟然金黃而且唔油淋淋，見到已經急不及待要放上石爐，值得一提嘅係，相比平時普通嘅石版燒牛，呢個石爐同埋石板嘅火候非常溫和，尤其係適合呢種高質有油花嘅牛，只需要每面輕輕一放十數秒，既能鎖住肉汁同牛脂喺最佳嘅溫度，令本身牛味嘅香濃提升到極致，另配上淡芥末、辣味蒜蓉和小碎鹽分別三種調味，不過個人最喜歡佢隨飯奉上嘅另一款秘製醬汁，同一時間淋落牛扒同飯上面，又或者將溫泉蛋攪勻加入少量醬汁，逐件點嚟食再撈飯，會發現另一種層次嘅享受🥹豚肉大阪燒💰108😋😋😋😋/5一向對坊間嘅大阪燒都有些少要求，呢間嘅水準特別令我有驚喜，適量嘅木魚碎、蛋黃醬同燒醬汁一
旺角西洋菜南街2A號 銀城廣場9樓
👉 火灸碟魚裙邊海膽丼(隨餐送麵豉湯或沙律)
💰$168
😋😋😋😋/5
性價比極高嘅魚生丼，面層最搶眼嘅當然係大大啖又靚又鮮甜嘅海膽啦，平時叫四件海膽軍艦都未必有咁嘅份量🥹然後鋪喺底層係另一位主角，滿滿嘅碟魚裙邊火灸過後濃郁嘅魚油香迫曬出嚟，入口暖暖甘甜嘅魚香再慢慢滲出，回過神來成碗飯丼已經比我清晒🥹
👉 石燒霜降吉列牛小扒定食(隨餐可以揀 糖心蛋 或 溫泉蛋+麵鼓湯)
💰$248
😋😋😋😋/5
薄薄嘅吉列外層竟然金黃而且唔油淋淋，見到已經急不及待要放上石爐，值得一提嘅係，相比平時普通嘅石版燒牛，呢個石爐同埋石板嘅火候非常溫和，尤其係適合呢種高質有油花嘅牛，只需要每面輕輕一放十數秒，既能鎖住肉汁同牛脂喺最佳嘅溫度，令本身牛味嘅香濃提升到極致，另配上淡芥末、辣味蒜蓉和小碎鹽分別三種調味，不過個人最喜歡佢隨飯奉上嘅另一款秘製醬汁，同一時間淋落牛扒同飯上面，又或者將溫泉蛋攪勻加入少量醬汁，逐件點嚟食再撈飯，會發現另一種層次嘅享受🥹
豚肉大阪燒
💰108
😋😋😋😋/5
一向對坊間嘅大阪燒都有些少要求，呢間嘅水準特別令我有驚喜，適量嘅木魚碎、蛋黃醬同燒醬汁一啲都唔會搶戲，麵糊比例太多嘅話，容易令人有食滯嘅感覺，會辜負咗同台嘅其他美食🥹，而呢度嘅比例係可以用完美來形容，放入口每每咀嚼，都Keep住爽脆富有層次嘅口感，大大增強整餐飯嘅食慾，即刻戰鬥力up，長食長有😋
回頭: yesYesyes!!!坐落於出旺角行街都一定會經過嘅西洋菜街，尤其適合行街行到攰，口淡淡想刺激下味蕾嘅人😜
#kermit食在旺角
#日本野 #日本餐廳 #日式刺身 #旺角
#石燒牛#大阪燒 #芝士煎餃子 #極上七品刺身 #水信玄餅
Post
