一杯鐵板燒居酒屋 (Closed)

刺身盛合🥢盛合有海膽、帆立貝、牡丹蝦、油甘魚、鰹魚，每款兩件，海膽非常鮮甜，無半點腥味，牡丹蝦係特大size，肉質軟綿卻不失彈牙，油甘魚厚切肥美，刺身水準不錯😋鐵板燒豬鞍扒🥩豬鞍扒切成骰子狀，一口一粒，豬鞍唔多脂肪但係肉質軟腍，中間仲保留到肉汁，用上鹽同埋黑椒簡單調味已經好足夠👍一杯關西燒🔥上碟嘅時候係完整一大塊，然後侍應會將佢切成九宮格，關西燒入面有芝士、牛筋、椰菜、雞蛋，餡料相當豐富，仲有芝士拉絲，唔會覺得有過多粉漿👌味噌煮廣島蠔伴野菜鍋🦪鍋物入面除咗廣島蠔仲有帶子，味噌鹹度適中。牛肉石頭燒飯🍚石頭鍋熱力十足，一邊拌飯一邊聽到咋咋聲，做到香脆飯焦！抹茶世界🍨抹茶雪糕配上紅豆同抹茶蕨餅，經典而美味嘅配搭～