梵日本焼鳥

Open Now

Now Closed

近排去咗呢間人氣滿滿嘅串燒店食飯，食得好滿足！店內串燒都會講明係用咩產地嘅材料，喺食材方面做到透明，始終食落肚嘅，都係知道來源比較安心🙈和牛肉眼 $70用嘅係岩手県和牛沙朗，油脂感比較香，做到入口即融嘅感覺，呢個價錢嚟講係相當唔錯！.牛舌 $40牛舌每舊都有返咁上下厚度，食落質感有爽口彈牙嘅感覺。豚肉金菇卷 $38呢個比較有特色，用咗豚肉包咗金菇，整成一個波形嘅串燒，第一口咬落去同時食到豚肉嘅肉汁同埋金菇嘅味道。下面仲配咗紫蘇葉，去中和heavy感覺。鰻魚 $40燒得好金黃，本身舊鰻魚已經好肥美，燒嘅方式令到舊鰻魚更香口，呢個價錢十分抵！