Video
Read full review
2019-07-06
45 views
去開日本或者台灣旅行嘅人聽到XX水產就知係食日本野，或者係有好多新鮮海鮮食嘅地方。今次朋友帶我地食呢一間係日本嘅磯燒店，同其他的香港嘅日本餐廳好唔一樣。外表好似居酒屋，內裏裝潢你佈置真係好似日本嘅餐廳，好有feel。餐廳入面有水缸，入面養咗好多海鮮，材料新鮮之餘，餐廳亦有好多烹調方法去處理食材。係服務方面，員工嘅態度都好好，見到張枱啲嘢食食晒會幫手清走空碟，仲好貼心咁幫我地燒埋同介紹食法。當然，嘢食嘅味道同埋質素高先係重點喇！首先，介紹下個前菜先，呢個麻醬蕃茄豆腐沙律，入面有豆腐、蕃茄、生菜、青瓜、紅椒、粟米片。豆腐嘅體積唔會切到好細，亦都唔會好大舊，女仔放入口啱啱好，豆腐好滑的有好有口感，唔太硬亦唔粉。蕃茄切片後仍然好多汁，師傅刀工整齊，最重要係新鮮唔酸，蔬菜清新爽脆，青瓜爽口，粟米片唔會有好濃郁嘅調味粉味，整體食落去相當開胃。最緊要係個沙律汁，個麻醬香得來唔會太濃稠，配搭生菜剛剛好。啱晒而家夏天行完街，入咗鋪頭第一時間想食啲涼爽嘅嘢。之後上碟嘅係炸蠔，一隻都有三隻手指咁大，香脆得來好香蠔味，啱晒愛蠔之人！不過一碟有四隻咁多，如果兩個人食嘅話可能會覺得有啲heavily😂 不過佢有沙
當然，嘢食嘅味道同埋質素高先係重點喇！
首先，介紹下個前菜先，呢個麻醬蕃茄豆腐沙律，入面有豆腐、蕃茄、生菜、青瓜、紅椒、粟米片。豆腐嘅體積唔會切到好細，亦都唔會好大舊，女仔放入口啱啱好，豆腐好滑的有好有口感，唔太硬亦唔粉。蕃茄切片後仍然好多汁，師傅刀工整齊，最重要係新鮮唔酸，蔬菜清新爽脆，青瓜爽口，粟米片唔會有好濃郁嘅調味粉味，整體食落去相當開胃。最緊要係個沙律汁，個麻醬香得來唔會太濃稠，配搭生菜剛剛好。啱晒而家夏天行完街，入咗鋪頭第一時間想食啲涼爽嘅嘢。
之後上碟嘅係炸蠔，一隻都有三隻手指咁大，香脆得來好香蠔味，啱晒愛蠔之人！不過一碟有四隻咁多，如果兩個人食嘅話可能會覺得有啲heavily😂 不過佢有沙律醬同檸檬，係兩樣醬汁調味下，都食得晒架！
講完前菜，講下去日本餐廳最啱食嘅壽司同刺身。今次叫咗個三盛刺身，入面有帶子、三文魚、同油甘魚，油甘魚爽口唔腥，帶子嫩滑鮮甜肥美、三文魚厚切，鮮甜肉質嫩滑好有口感。三種色澤潤澤，啖啖鮮甜，食得出食材好高質。呢個價錢，值啊！
跟住推介呢個壽司大家一定要食！呢個用餐廳名定嘅壽司，焱丸號壽司， 我諗一定稱得上係鎮店之寶，上菜嗰陣時都俾佢嚇親，三件特大軍艦壽司，上面有滿到無得再滿嘅帶子邊海膽、吞拿魚茸及蟹柳絲，仲有大大粒三文魚籽伴碟，真係食過返尋味。從來冇見過有用了咁高質同豐富嘅壽司。帶子邊好爽口；海膽相當鮮甜，一啲苦澀味都冇；三文魚籽好大粒，咬落去啲汁出晒嚟；吞拿魚茸香滑鮮甜，一啲腥味都冇；蟹柳絲又大條又乾爽，咬落又甜有口感。飯嘅質感軟熟乾爽，紫菜香口爽脆。整體來講成個焱丸號壽司好有口感好有層次。
跟住都推介一下大部分人嚟到呢間餐廳，都會用到嘅烤爐。每張枱嘅隔離都有一個烤爐，如果你哋點單嘅海鮮係需要烤製嘅話，職員會係你地面前即場烤製。 換句話嚟講，你哋食到嘅海鮮係新鮮熱辣辣上台嘅。呢個宾燒點都要試！因為佢唔加任何嘅調味料原汁原味食海產佢嘅新鮮海鮮味係最能夠突出。
今次我地試咗個帶子、白蛤同大蝦，三種海鮮都好鮮甜肥美，燒得岩岩好又唔老。
日式甜醬牛肉鍋
呢個鍋比較似日式嘅牛肉野菜粉絲火鍋，下面一直有爐加熱，令食物唔會因為凍咗而變得唔好食。係湯底方面，味道香濃甘甜，好似壽喜燒，不過味道比真正嘅壽喜燒會淡少少。牛肉同蛋係慢火下烹調，鮮味、質感同口感剛剛好，牛肉又鮮又嫩又甜，一啲都唔嚡口。跟鍋有隻生雞蛋，將生雞蛋係湯滾時打入鍋，大約分幾鐘，就有隻甜甜地嘅流心蛋食喇！
鍋入面仲有好多蔬菜香菇同粗粉絲，真係相當十分足料啊，當湯底啲汁滲入菜同粉絲中，除咗蔬菜嘅鮮甜味更帶有濃郁嘅壽喜燒汁味道。
當然食咗咁多炸嘢同燒物，有杯冰涼嘅嘢飲，係食嘅過程會更開心🥳於是我點左一杯巨峰梳打，唔太甜，氣亦唔會太夠，清爽冰涼，爽到底！個人舒坦晒！
Post
