三代目 (港運城)

Open Now

Now Closed

三代目 久唔久都鐘意去下北角，食下雞蛋仔，行下海旁。今日難得出到黎，就去咗北角港運城既三代目食個晚飯。😜餐廳分咗幾個區域，一入去有啲兩人枱，燈光幽暗幾有情調。行入少少有吧枱，可以睇到師父煮拉麵同燒烤。再行入啲就係卡位，三五知己一齊坐都好舒服。😊😊呢到食物選擇都好多架，有拉麵，丼飯，天婦羅，串燒，甲羅燒，便當等。。。可以滿足到鐘意食日本野既朋友。😆😆首先我地嗌咗個味噌甲羅燒。師父燒得啱啱好，上枱既時間散發蟹膏同烤蟹既獨特香味，用蛋黃將蟹肉，蟹膏，葱花等等撈埋一齊，再放係白飯同紫菜上面一齊食，非常滿足。😋😋我地仲叫咗個海之天婦羅。拼盤有蝦，鯛魚，厚切墨魚，黑松露帶子，金菇同埋紫蘇葉。粉漿好薄，唔會食到成口粉。而且調味適中，仍然食到食材本身既味道。厚切墨魚好有驚喜，厚而且唔韌，非常好食。😍😍主菜我地叫咗辛燒豚梅肉拉麵。我自己本身都幾鐘意食辣，呢個拉麵湯底味道辛辣刺激，好啱我呀。半肥瘦既豚梅肉叉燒入口好滑溜，肥肉溶化係口腔，增添一份油香。加埋煮得恰到好處既溏心蛋同筍片，好石滿足感呀。另一個我地叫咗炙牛拉麵，湯底好温和，飲落好舒服，湯亦散發住淡淡牛肉味。而牛肉處理得好好，簡單用黑椒調味，帶出香濃