Video
Read full review
2022-11-25
23 views
Happy Friday梗係要同老公👫一齊relax下! 我哋去咗太子界限街附近嘅一間日式小店, 食下野, 行下金魚街, 真係一個幾寫意嘅活動。呢間叫做山系。本舍, 個名幾特別, 就連裝修, 座位都好有日本風。 店內座位唔太多, 一張Bar枱加八個座位左右, 用咗開放式廚房, 廚師(老闆🙎🏻♂️)同食客可以互動交流。由於座位唔多, 所以一定要預約。雖然係老闆一個做埋廚師, 但係上菜都算快, 每食完一款菜就會接住上另一款, 時間預得啱啱好! 每次食完之後, 要自己將食完嘅碗碟🥢🍶放返上枱上,等收起就可以。夜晚食飯, 好似居酒屋嘅形式, 以佐酒小食, 燒物串燒, 炸物為主, 仲有日式飯糰大阪燒等選擇! 手工櫻花蝦醬拌凍豆腐 - $48老闆極力推薦嘅冷盤, 日本直送嘅凍豆腐, 再加上自家製嘅櫻花蝦🦐醬。 凍豆腐本身就比較清淡, 而且口感非常之嫩滑, 櫻花蝦醬有少咸鮮味, 似xo醬, 但唔會辣, 仲有大蔥, 沙律菜🥗配埋少少醬油 一齊食, 真係回味無窮! 😋和風高湯煮日本沙白蜆 - $68湯用咗昆布同鰹魚淆成嘅高湯煮沙白蜆, 沙白蜆生鮮肥美, 而且冇沙, 個湯夠曬清甜, 仲有少少大蔥嘅味道
呢間叫做山系。本舍, 個名幾特別, 就連裝修, 座位都好有日本風。 店內座位唔太多, 一張Bar枱加八個座位左右, 用咗開放式廚房, 廚師(老闆🙎🏻♂️)同食客可以互動交流。由於座位唔多, 所以一定要預約。雖然係老闆一個做埋廚師, 但係上菜都算快, 每食完一款菜就會接住上另一款, 時間預得啱啱好! 每次食完之後, 要自己將食完嘅碗碟🥢🍶放返上枱上,等收起就可以。
夜晚食飯, 好似居酒屋嘅形式, 以佐酒小食, 燒物串燒, 炸物為主, 仲有日式飯糰大阪燒等選擇!
手工櫻花蝦醬拌凍豆腐 - $48
老闆極力推薦嘅冷盤, 日本直送嘅凍豆腐, 再加上自家製嘅櫻花蝦🦐醬。 凍豆腐本身就比較清淡, 而且口感非常之嫩滑, 櫻花蝦醬有少咸鮮味, 似xo醬, 但唔會辣, 仲有大蔥, 沙律菜🥗配埋少少醬油 一齊食, 真係回味無窮! 😋
和風高湯煮日本沙白蜆 - $68
湯用咗昆布同鰹魚淆成嘅高湯煮沙白蜆, 沙白蜆生鮮肥美, 而且冇沙, 個湯夠曬清甜, 仲有少少大蔥嘅味道, 超級有日本風味! 😋👍🏻👍🏻
關東煮牛肋條 - $98
牛肋條煮得非常之淋入味, 入口即溶, 蘿蔔同個湯都好清甜, 但係一啲都唔會搶哂啲牛肋條嘅味道。
燒雞心串, 雞肝串, 燒雞串 - $16/串
燒五花腩燒 - $28
3串串燒都燒得好香口, 再加埋少少調味粉, 佐酒🍺一流! 兩大片嘅燒五花腩🥓, 燒得勁香口, 外脆內軟, 一啲都唔會覺得油膩!
燒鰈魚柳 - $78
燒碟魚柳🐟廚師已經起哂骨炸成幾件魚柳, 而且非常新鮮熱辣, 魚柳唔會好乾, $78真係好抵食。如果唔怕, 其實仲可以食埋個魚骨, 因為都已經炸到脆卜卜。
靜崗抹茶汽水 - $26
富士山柚子梳打 - $22
抹茶🍵汽水唔太甜, 少少抹茶味, 幾好飲。 我就比較鍾意柚子🍊梳打, 柚子味清甜, 估唔到咁好飲!
廚師每樣食物都用心製作♥ 呢啲小店真係要支持下!💪🏻 我好期待佢再有新食物推出!🥰
鋪名: 山系。本舍
地址: 太子界限街23號地下A1號舖
Post
