Video
Read full review
2024-07-05
25 views
經過 Soho 比呢間屋台風嘅餐廳吸引住目光，原來係一間串燒小酒館（有清酒放題，有去到九點嘅 happy hour 仲有特色香港手工啤酒，啱曬我！）食物款式唔係好多，但價錢都偏實惠，食多幾款都唔怕~~雞系列🐣~鹽燒雞皮，椒鹽雞腎，椒鹽雞軟骨雞皮脆身，雞腎爽夾彈，雞軟骨酥脆有咬口。三款口感各有不同，簡簡單單用鹽調味已經好滋味。雞頸肉 - 值得一提係佢哋依家有 @blackkitebrewery 開門七件事系列入面嘅 Oil 手工啤，油原來係指蔥油餅嘅味道！初聞麥味比較出，但飲落個青葱味同薑蓉味係會喺口入面大爆發，同雞頸肉完美搭配，好新鮮好推薦要嘗試下呢個配搭💯德島阿波尾雞尾🐓德島阿波尾雞肝話説上次喺另一間日式料理店食咗成口油嘅雞尾之後，今次再點其實都有啲啲怯。估唔到今次燒得咁好，食落唔羶只有油香，軟腍又多汁，上品！雞肝肝味濃厚，軟嫩又帶點粉粉嘅口感，係重口味之選~日系🇯🇵串燒居酒屋🏮牛油雞髀菇 （咁都算係雞😂）- 好出色，好香又 juicy，估唔到唔係肉類都可以咁鮮香燒雞翼，外皮夠脆口，貌似簡單但真係費時嘢~~豬系列🐽~西班牙五花腩，汁燒豬頸肉五花腩經過高温迫曬啲油脂出嚟，食落唔單止唔肥
食物款式唔係好多，但價錢都偏實惠，食多幾款都唔怕~
~雞系列🐣~
鹽燒雞皮，椒鹽雞腎，椒鹽雞軟骨
雞皮脆身，雞腎爽夾彈，雞軟骨酥脆有咬口。三款口感各有不同，簡簡單單用鹽調味已經好滋味。
雞頸肉 -
雞頸肉
4 views
0 likes
0 comments
德島阿波尾雞尾🐓德島阿波尾雞肝
話説上次喺另一間日式料理店食咗成口油嘅雞尾之後，今次再點其實都有啲啲怯。估唔到今次燒得咁好，食落唔羶只有油香，軟腍又多汁，上品！
德島阿波尾雞尾
19 views
0 likes
0 comments
雞肝肝味濃厚，軟嫩又帶點粉粉嘅口感，係重口味之選~
日系🇯🇵串燒居酒屋🏮牛油雞髀菇 （咁都算係雞😂）- 好出色，好香又 juicy，估唔到唔係肉類都可以咁鮮香
燒雞翼，外皮夠脆口，貌似簡單但真係費時嘢~
~豬系列🐽~
西班牙五花腩，汁燒豬頸肉
五花腩經過高温迫曬啲油脂出嚟，食落唔單止唔肥膩，反而肉嫩又多汁
~牛系列🐮~
蒜片牛肋肉，一口牛肉粒，招牌厚切牛舌芯
個厚切牛舌芯👅不得了真係好厚，一咬落 feel 到濕潤感而且仲越嚼越香，我鍾意到搶多咗舊嚟食 😂
個人鍾意蒜片牛肋肉肉質細嫩加埋惹味蒜片助興食落唔會寡；而友就大讚一口牛肉粒同山葵蓉刺激上腦嘅配搭。食物無分高下，唯有啱自己口味嘅先係最佳
招牌厚切牛舌芯
0 views
0 likes
0 comments
~主食~
煙三文魚配温泉蛋燒飯團🍙食嘅時候混合埋個温泉蛋，温泉蛋嘅滑同流心加飯焦嘅香脆兩種不同嘅口感層次豐富，加埋煙三文魚嘅鹹香好特別
當然除咗食物，去得小酒館最緊要嘅緊係個 host （並不是ホスト😂），店長勁 nice 介紹食物好詳細，而且係識飲識食之人同佢傾計成個氛圍都好輕鬆，收工嚟飲返杯吹下水真係十分之加分！
户外露營風⛺️嘅座位夠曬 chill，配合佢哋嘅 vibe 完全係偷得浮生嘅感覺~
Post
