利苑酒家 (Closed)

男友突然話掛住利苑的"魚茸粥"所以就決定來飲茶，早一日book 位，因為這間就算閒日都好full的，而且有個優惠就係12:30半埋單可以有85折，所以book了11:30一開門就來。黎得利苑，有幾樣野係必點的1. 魚茸粥2. 雪山餐包 3. 鮑汁鳳爪之後點埋蒜香排骨蒸陳村粉和珍珠雞。首先來了魚茸粥，這個粥係魚茸同粥一起煲的，可能落了豉油，所以顏色較深，食落就咸左少少，但魚茸同粥混和了一起，其他酒樓食唔到，而且伴粥的還有脆脆油炸鬼，好脆好香口。份量就太約可以分得3細碗啦。鮑汁鳳爪~其實食唔出鮑汁味，反而蠔油味好重。雪山餐包~熱辣辣的酥皮焗得甘香鬆脆。奶黃汁的餡料，不過太甜亦不會太膩。珍珠雞~一籠有3件。細細的食完唔怕食唔落其他野，但就冇咩特別。最後蒜香排骨蒸陳村粉~好香蒜味，但上左枱一陣先食，所以陳村粉唔夠爽口，仲好痴，好難分得開，不過其實d粉幾好味，蒸到透明的。