利苑酒家 (Closed)

牛年駕到，又是吃糕的時候了！今年又是幫襯了利苑洒家的賀年糕點。～如意蘿蔔糕清甜蘿蔔味配上惹味的臘味粒，味道剛剛好，不會太濃或太淡。蘿蔔條仍然充滿水份，小小蝦米粒味過突出。整體來說，蘿蔔糕煎過後仍是嫩滑。～臘味芋頭糕芋頭又香又粉，配了臘味粒，吃起來突別滋味。煎過後，芋頭糕尤其芬香。～清香馬蹄糕清甜馬蹄糕惹人喜愛，馬蹄片非常爽口。蒸來吃或煎來吃同樣討人。～招牌棗皇糕棗皇糕有棗香又有椰汁味，蒸過後，味道更加突出。棗皇糕吃起來煙煙韌韌，是我的至愛。

同舊同事相聚，希望不受時間影響，既要食物好味又可以暢談，飲茶似乎是不錯的選擇。此家點心熱，味道不錯。最推薦牛肉球，夠嫩滑。其次鮑汁雞腳夠入味及稔。反而朋友很推薦的蘿蔔糕味道一般。

今日老婆話罷工唔煮飯，咁就一於出街食飯，打電話留位留叉燒，去到餐廳8點左右，可能疫情關係，生意都係一般，希望生活盡快回復正常今晚老婆話要食好啲，咁我又見到有啲特價推介，所以叫咗兩碗蟹王翅同鵝掌扣鮑魚仲有清炒豆苗。蟹王翅用料十足，好多蟹肉，蟹王溶入啲湯，唔會好杰撻撻，真係食到舔舔脷反而叉燒有啲退步，燒得唔夠香，希望係一次半次失手。鮑汁入哂鵝掌內，正，5頭墨西哥鮑，唔會太細隻，$130份仲想點？兩個人埋單大概$1300左右，當然唔講得上平，不過久唔久豪一次啦

每逢大事大節一定會同屋企人嚟利苑食價格偏高但食物好高質每次嚟到都唔會失望今次就試吓平日嚟食返餐好嘅 疫情關係周圍都唔算好多人 坐得好舒服-今次第一次試利苑嘅片皮鴨作為片皮鴨迷嘅我都覺得好滿意皮好薄 鴨都燒得好脆 入口有啲油香味 好滿足之後就係每次必點嘅蟹黃翅同象拔蚌湯 -非常滿意嘅一餐 一定會再Encore如果預算較多 又追求食物質素嘅話真係好推介呢間中餐廳無論味道、環境同服務都係一流-味道：4.5/5環境：4/5抵食：3/5

假日上午要做3轉枱，前一天book 位祇有2點時段，2:00準時到達，2:35分先有位，點心一上話last order, 2:45點心剛到齊就要我埋單，簡直離晒譜， 如果時間唔夠就唔好做3轉檯趕客！！！

老字號酒家，公司食飯常選的連鎖店。自己食就好耐好耐無來了！適逢有長輩生日，特意訂了位。當天為星期六，不是特別日子訂位分兩輪第一輪。11:00-12:45第二輪。13:00-3:30叉燒包，包很軟熟炸魷魚，炸皮厚，一般！煎蝦米腸粉 推薦！腸粉非一卷卷，大片的一邊煎得十分香脆好似鍋貼的脆脆好好味😋茄子大大碟，不油膩蘿蔔絲酥餅不及以前不鬆脆，反之，皮少許硬。三位的腊味煲仔飯腊味足夠我地分七份每位七分滿等了45分鐘，值得的甜品 - 有名的脆麻花香口不油膩，美味非常！整體體驗不錯👍🏻點心類，份量偏細，迷你版小食類，大份的 ⭕️全店職員戴上口罩 ⭕️進店前量度體溫 ⭕️提供酒精搓手液 ⭕️座位間有距離感

今日星期日約咗親人飲茶，原本諗住去稻香，但見到近排d食評嘛嘛地，所以改咗去利苑，因為食評唔錯又有得訂枱😊準時到達，勁多人等緊位，我一枝箭咁走入去拎枱，招呼唔錯，前後叫咗8樣點心小吃，質素唔錯，大家都幾滿意。蝦餃啖啖肉，小粉果一如其名細細粒，不過味道唔錯。咸水角夠熱，新鮮熱辣出爐、裏面個餡係滿嘅👍🏻，因為我食過d裏面好似空氣咁既😬燒賣大大粒，足料皮又薄👍🏻炸兩係脆口嘅，仲有齊花生醬、甜醬同豉油俾我哋點，正！個牛肉包就無乜特別，下次可以唔使再叫😆個牛肉球好彈牙，又大粒，認真唔錯！👍🏻👍🏻個和風茄子都唔錯！最後埋單仲有asiamile 儲分，食緊d職員又會不時過嚟清下啲碟，有時間會再幫襯😊

家人幾鐘意黎呢到食飯 野食質素幾好今次叫左個沙薑雞 好夠香 肉質都好林 食左超多舊😂呢個係炒銀芽 同樣超香好惹味 銀芽炒得岩岩好 翠口唔會出哂水咁苦瓜都好唔錯 魚湯好濃好鮮 第一次食呢個瓜係刨成一片片 口感唔錯豆腐入味 成家勁快清哂最後每次必點既紅棗糕 真係好鬼好食 每次黎都一定要食返舊先走 向好多其他酒樓食過 都無佢咁好食 佢首先非常軟熟 軟熟得黎煙un 紅棗味非常香濃 唔會太甜 最正係佢中間個層係椰汁味 同紅棗味係出奇地夾 每次都無令我失望

利苑，米其林一星餐廳，曾被評為“香港最佳食府之一”，由此可知其實力不容小覷。龍蝦湯泡飯味道清新鮮甜，吃起來十分爽口，口感倍增。還有玻璃脆皮乳鴿，鹵汁浸入的恰到好處，表皮脆而爽口，肉不需要加檸檬汁，也未有一點腥味，而滴上檸檬汁，又是另一種風味。

訂咗位中午飲茶，入到去也滿座，今次試吓排骨陳村粉，賣相一般，但是排骨很冧，陳村粉不算太滑，不過味道剛好，排骨份量剛好，點了蘿蔔絲酥餅，水準一流，手工精緻，餡內一條條蘿蔔絲，味道也相當不錯紅油抄手分開了醬汁，皮薄餡滿，口感也不錯，只是太細粒同時叫了魚湯鮮竹卷，三條細細的，味道不俗最後是我至愛的蛋白杏仁茶，內有蛋白，杏仁味不濃，但我正正是喜歡這味道總括來說，點心精緻，，不過有些點心份量得嫌太細，沙田這間也保持水準。

今次同大肥肥👦🏻同埋auntie, uncle飲早茶🙆🏻‍♀️沙田利苑質素有保證。😭😭😭好掛住大肥肥👦🏻呀1️⃣脆麻花好少酒樓有得食呢個，而且仲要整得好食。糖漿嘅份量岩岩好，唔會太甜。加上有白芝麻係面，令脆麻花更有口感。脆麻花炸得非常香脆可口。🙆🏻‍♀️美味指數:7.62/102️⃣軟殻蟹軟殻蟹外脆內軟，而且唔會覺得油膩👍🏻🙆🏻‍♀️美味指數:7.71/103️⃣雪山奶黃流沙包呢個熱辣辣，一咬落去奶黃流沙湧泉而出🤤超正，必點之一🙆🏻‍♀️美味指數:7.76/104️⃣烤麩平常呢個係冷盤，不過今次係熱盤。呢個有冬菇丶木耳丶花生等配料，非常惹味。但係我都係鐘意佢係冷盤多d🙆🏻‍♀️美味指數:6.94/105️⃣香脆雞肉佢係薄薄嘅炸皮上面加咗白芝麻，咬落下啖啖鮮嫩嘅雞肉。🙆🏻‍♀️美味指數:7.51/10💡整體來講，性價高，整體菜式高質

是日與好朋友相聚晚餐老火湯，清熱，夠入味。脆皮素鵝，小食，皮脆好味北菇枝竹炆鵝掌煲，夠入味。只是放久了才吃，醬汁結塔塔。秘汁香煎黑豚肉，想不到黑 豚肉幾爽口，醬汁也入味。棗皇糕不錯。甜品在加擂沙湯丸，是我的自愛，芝麻餡。西施蛋白杏仁茶補一補。

其實去利苑飲茶一點都不容易一係早好多日訂位一係晨早起身拎位＋撞正冇人同你一樣早到今日就係有點幸運了，做到第一個WALK-IN客對比平時係美心集團既服務態度黎講今日遇到既侍應就是第二個幸運了談談食物質素一心諗餐包係叉燒包，點知係奶皇，不過個包都係好出色，台台必點腸粉皮不"立"口，不錯皮薄，蝦肉飽滿新鮮，算細粒出乎意料地好，超大粒，點醬料多見食評好多人讚，就試試佢算中上，有樣好，鴨架斬番比你，好似叫多碟燒味咁還有一樣我覺得最出色的忘了拍照流沙奶皇包，是我吃過最好的如果你同我一樣中意，必點！唯獨是有限時，11:30開門運，12:45交台，時間足夠的，始終飲茶的話是有點壓力的

沙田呢間利苑幾大，星期日黎都好多人幫襯。叫左個荷葉蒸雞，碟野味道好淡，係雪藏雞又冇雞味，自己屋係屋企煮都好食過。 之後食個牛展又唔知仲咩整到好咸。蒜蓉炒白菜又係好淡。係個燒鴨幾好食，個皮幾脆。蟹肉粉絲煲都差,得啲好少好碎嘅蟹肉，完全唔好食都搵笨。總括啲野食其實都好淡，唔好難食。呢個價錢但係低質野食。食茶餐廳都有水準同多款過佢好多。燒肉個皮都脆。海哲一般。唔明點解咁蛋人幫襯，啲野都唔好食，好似都冇落鹽去煮野食咁。呢個價錢寧願揀第二啲酒樓好食過。真係唔會再食第二次，

這是我第一次寫食評。今晚同媽咪慶祝生日，一向都係食美心集團中菜，今年想食好些，去過好幾間利苑服務及食品都好好，沙田分店對兩老比較就腳，所以選了這間，一去到reception 已經有點減分，我去到話book 咗枱同有個蛋糕麻煩佢地放雪櫃，reception 完全無招呼只是說’Booking已經有人到咗，64號枱你自己入去啦蛋糕放喺度得啦！‘ 完全冇接手我手上蛋糕冇理我，咁我只有放低蛋糕自己行入去囉。叫咗一個10人套餐，菜餚都麻麻，翠園好食過好多，仲唔洗咁貴。到切蛋糕一還，真係最差的一件事，waitress 無準備火機，分蛋糕時，比我地見到佢把蛋糕上的白桃跌在地下浪費了，跟著有另一白桃跌咗有枱上，我地都無出聲話佢，睇睇佢有冇執返，佢居然執返跌係枱度果舊桃俾我哋食，佢仲無講比我地知係跌咗係枱度，我地問佢，佢都話冇所謂啦只係跌咗落枱面咋嘛！😣仲要收$100 切餅費，真係好差。埋單時同經理講返件事，佢免咗切餅費☺️，但真心想佢地要改善一下。