東小館 (東匯坊)

Open Now

Now Closed

東小館開張左幾日就拿拿臨早d起身走去試下， 假日10點半前埋單就68折， 星期1至5仲有58折。如果冇折其實都幾貴下。呢到既點心多數都係遂件計， 人少都有好處，樣樣都可以試下。蝦餃：皮薄蝦仁大大粒， 但我老公個個蒸個下可以痴住個籠邊就爛左。叉燒包：不過不失蘿蔔絲酥餅：個皮好鬆化同酥脆，個底有芝麻好香口，蘿蔔切到絲好甜。燒賣：上面有大大隻帶子，唔錯小籠包：多汁而且皮薄灌湯餃：有好大粒瑤柱，里面有雲腿，個湯夠清。排骨：排骨入味唔會過肥，芋頭墊底夠鬆化鴻運金沙脆皮腸：里面包住春卷，入面有咸蛋皇餡，夠咸香。整體服務好好，姐姐侍應好殷勤，服務態度好好。2個人埋單240蚊。