紅磡冰室 (Closed)

由於我公司同呢間鋪頭好近，所以成日都係食呢間既早餐，佢個服務都幾好，可以打電話去叫定先，去到就唔駛等直接攞。佢啲早餐好大份，我最鍾意食佢個吉列魚柳餐，嗰個套餐每次都有兩大塊魚柳，而且係即炸嗰種，好有誠意😂，而啲炒蛋簡直係世界級炒蛋，好好食，炒得好滑，仲有2塊大多士，幫你查埋牛油，脆當卜，呢個早餐真係飽到震，加埋杯凍鴛鴦就perfect池。不過飲過呢度嘅茶走就真係唔太好飲，好澀喉，而同事飲過杯齋啡都話好酸，所以都唔推介大家飲。