Video
Read full review
2011-08-02
218 views
呢個月密密要做檢查及覆診 , 一個月內不同日子 , 三日早上都到依道食早餐 , 第一次食【香茅豬扒一丁麵 + 凍奶茶】, 員工價HK$20.5元 , 訪客價 HK$25.5元 , 第一次收銀姐姐當咗我係醫管局職員 , 冇問我情況下收咗我 HK$20.5元 , 呢個價真係超抵食 , 碗麵好大碗塊豬扒都 OK 大塊 , 就算收我訪客價 HK$25.5 元 , 我都覺得抵食過街嘅茶餐廳。現在街外一般茶餐廳 , 一份西式早餐 , 一碗食唔飽及好細碗嘅沙嗲牛肉麵 , 牛肉得三四薄片 , 個伊麵底唔知咩野牌子 , 連大光麵都不如 , 份量又細又食唔飽。另餐包奄列 , 塊餐包細到一啖咬哂落口 , 奄列又係細到無譜 , 內裡餡真係少到無倫 , HK$25元不如留番下晝 , 去食個炒粉麵飯下午茶餐好過。但呢道個麵餐確實係夠飽 , 但係唔同就係快餐形式 , 要自己拎餐自己招呼自己囉! 果道辣椒油都幾香幾辣 , 食碗麵加幾滴唔使多已經夠香。現場仲有大電視一部 , 不停播放新聞 , 雖然係悶悶地 , 但係都好過冇丫 , 係咪?!比起上手【城軒】一定好食好多 , 再比起前一手【大家樂】, 我就覺得各有各好。現在
現在街外一般茶餐廳 , 一份西式早餐 , 一碗食唔飽及好細碗嘅沙嗲牛肉麵 , 牛肉得三四薄片 , 個伊麵底唔知咩野牌子 , 連大光麵都不如 , 份量又細又食唔飽。另餐包奄列 , 塊餐包細到一啖咬哂落口 , 奄列又係細到無譜 , 內裡餡真係少到無倫 , HK$25元不如留番下晝 , 去食個炒粉麵飯下午茶餐好過。
但呢道個麵餐確實係夠飽 , 但係唔同就係快餐形式 , 要自己拎餐自己招呼自己囉! 果道辣椒油都幾香幾辣 , 食碗麵加幾滴唔使多已經夠香。現場仲有大電視一部 , 不停播放新聞 , 雖然係悶悶地 , 但係都好過冇丫 , 係咪?!
比起上手【城軒】一定好食好多 , 再比起前一手【大家樂】, 我就覺得各有各好。現在【美心】俾人感覺清新整潔好多 , 現場好多【美心】職工 , 制服大都採用西裝西褲西裙 , 個個都著得好似 OL 咁 , 感覺煥然一新 , 水吧裝修都好新凈前衛。但枱櫈都係採用舊有長方形 8~10人枱 , 配合尼龍膠椅 , 同以前都冇咩分別。
【香茅豬扒麵】, 豬扒有兩塊 , 每塊都有約 8 x 10 cm , 食落都幾有香茅味 , 但稍嫌乾身得滯 , 可能係已炸好好耐 , 之後再翻炸卦?! 麵底佢話明係一丁麵 , 但我真係食唔出係一丁麵 , 可能係水吧專用伊麵都唔奇 , 不過我就唔知究竟係咪 , 係咪真係有水吧專用一丁麵喇! 不過食落真係好過哂出面咁多茶餐廳伊麵底 , 但湯底就真係好一般 , 另加幾條菜俾你都幾健康 , 嘻嘻!【凍奶茶】, 講真就認真麻麻地 , 以我標準 10 分滿分 , 我只俾佢 5.5分頂哂磅 , 茶味好淡奶又唔夠 , 冰反而多得滯 , 飲慢少少成杯都好易淡哂 , 叫做頂下癮唔好要求咁高啦!
加埋我屯門醫院識咁多人 , 出出入入自己真係好似職員咁 , 都幾有親切感o架! 下次一定會再幫襯啦 , 而且都會嘗試下佢午餐 , 睇下佢比起再前身【大家樂】比 , 唔知係咪又更加好呢?
Post
