再臨閣

Open Now

Now Closed

YMCA hotel個staycation包埋自助早餐，可能太多人去staycation所以早餐要入住嗰日已經book定，佢有3個timeslot，每個timeslot食大約1個鐘。我地諗住都唔會太full，點知前一日6點鐘上去個網book已經得番最早個timeslot，所以建議如果大家係staycation的話一登記入住嗰陣就book埋第二日早餐，先揀到心水timeslot。我地預早左5分鐘去到餐廳，要喺門口排隊等入座，個位置都係𨋢口，有啲迫。入座後就出去拎野食，走廊同拎野食排隊嘅地方都比較窄，行過都要小心拎住野食驚撞親人。每條隊都幾長，難怪佢要分timeslot用膳。野食選擇唔少，有沙律、炒蛋、蒸點、點心、炸魚柳、beacon、水果，平時酒店自助餐有嘅野佢都有齊，飲品方面可以自己沖咖啡或者奶茶。啲野食全部都好好食，特別係個魚柳，炸到恰到好處。啲食物拎番去之後都仲係好熱，溫度控制得幾好。座位大部分都唔錯，落地大玻璃望到1881方向或者太空館方向，都係尖沙咀地標。