翠華餐廳 (H21商場) (Closed)

婆婆自己煮得多有時都會悶, 唔想煮都會好似啲後生仔咁入茶嘅食個早餐, 今日嚟翠華食早餐B, 貪佢大大份, 十點零鐘食可以午餐也不用吃。茶餐廳感覺光亮乾脆, 坐位按限聚令2人坐, 餐廳做足防疫, 食客都食得安心啲。早餐B滑蛋脆豬 - 滑蛋炒香滑, 加點胡椒粉, 好食, 豬仔包細細隻, 焗到脆卜卜, 搽啲牛油食, 送啖奶茶, 好好味。沙爹牛肉公仔麵 - 有幾片沙爹牛肉, 有點咬口的真牛肉, 沙嗲汁夠曬惹味, 公仔麵尚算爽滑, 麵湯唔會咸爺爺的。奶茶 - 老人家最掛住的, 就係呢杯奶茶, 香濃滑口, 飲完即刻起了心理作用.... 提神醒腦, 老虎都可以打死幾隻。