My Thai Bar & Restaurant

Open Now

Now Closed

自從屯赤隧道通車後，由屯門去東涌快左好多，亦平左好多！連青馬都唔洗收費啦，所以今日我都行下東薈城先，順便搵下有咩食！呢間泰國餐廳其實就係東薈城隔離，沿住天橋行去幾個大型屋苑，大約5分鐘嘅路程，就會搵到呢間位於地下嘅泰國餐廳🇹🇭首先整番個大蝦🍤柚子沙律，大大隻蝦，好多柚子，仲有脆卜卜腰果，蕃茄，椰子絲🥥，酸酸辣辣，好開胃！跟住就點左椰汁雞湯，雞肉好滑，好多菇菇，飲到椰汁味之外，仲有一陣泰式味道，雖然唔肯定用左咩配料去煮呢個湯，但都幾好飲！明爐三色魚，係鱸魚黎架！又係充滿泰式風情嘅一味菜，條魚好滑，一路用明火煮住，冬天食仲正！另外，因為驚一路煮會愈黎愈少湯，店員好細心咁比定另一碗湯我地，有需要可隨時加湯😊飲品方面，除左有必點嘅椰青外，仲點左一杯泰式珍珠奶茶，泰式奶茶嘅味道令我回想起上次去泰國旅行，唔知幾時先可以再去了！最後一道主菜係菠蘿🍍炒飯，配料好豐富呢！又有腰果，肉鬆，蛋絲，提子乾，臘腸粒，粒粒飯炒得好分明👍🏻例牌又係要食埋甜品先準走🤣泰國必食原個芒果🥭糯米飯，芒果好好好好甜呀！撥開啲椰汁先，嘩！原來係雙色糯米飯丫！正呀！😋😋😋呢餐食得好滿足呢！