堅泰

Open Now

Now Closed

旺中嘅舖頭真係千變萬化，近排又新開咗一間泰國嘢，老闆娘真係泰國人嚟㗎🤓裝修仲超級靚，等嘢食嗰陣打埋卡都仲得🤭泰式酸辣肉碎飯🍚 $50 (+煎蛋 $5)食開香葉肉碎飯，特登試吓新嘢先，隻蛋煎得好靚不特止，肉碎仲有浸青檸香😍雖然佢望落去好似好細盒，但食完都幾飽，大家唔好俾佢嘅外表呃咗🤣泰式招牌船麵🍜 $56估唔到可以食得返同泰國一樣嘅味道，湯底真係好濃郁，而且餸都比得多，抵食之選😋咖啡朱古力香蕉煎餅🍌☕️ $38本身想試泰式奶茶味，好可惜佢賣晒🥲而呢個真係好香咖啡味，見佢咁厚都睇得出落咗好多香蕉，咖啡同朱古力嘅比例平均，唔會話有一邊特別搶味👍🏻