Video
Read full review
2023-07-03
212 views
📍今個月放平日假，終於可以食到book mark咗好耐嘅雲壽司！呢度嘅omakase set價錢唔貴，分咗三款唔同set，價格介乎$380~680。🍴•翔SHO•今次揀嘅呢個set入面有10款壽司、1款手卷同麵豉湯，店員會先問有冇邊款魚類係唔食，同需唔需要加wasabi喺壽司入邊。每款壽司會由淡至濃味順次序奉上，今次是令嘅壽司分別有赤貝、北海道帶子、白蝦、金目鯛、吞拿魚面頰肉、海膽、拖羅、火炙銀鱈魚等。拖羅入口即化嘅質感真係唔捨得一啖放晒入口，但當中最驚喜嘅係吞拿魚面頰肉，微微炙燒過後更有口感仲帶點彈牙。另外銀鱈魚平時都係食開西京燒比較多，但今次經火炙後半熟更滑身同鮮味！最後嘅香蔥拖羅手卷，成個手卷食到落尾都仲有好多拖羅蓉，同埋每一啖都食到香蔥碎，之後有機會會再試埋佢嘅丼飯😋
📍今個月放平日假，終於可以食到book mark咗好耐嘅雲壽司！呢度嘅omakase set價錢唔貴，分咗三款唔同set，價格介乎$380~680。
🍴•翔SHO•
今次揀嘅呢個set入面有10款壽司、1款手卷同麵豉湯，店員會先問有冇邊款魚類係唔食，同需唔需要加wasabi喺壽司入邊。
每款壽司會由淡至濃味順次序奉上，今次是令嘅壽司分別有赤貝、北海道帶子、白蝦、金目鯛、吞拿魚面頰肉、海膽、拖羅、火炙銀鱈魚等。
拖羅入口即化嘅質感真係唔捨得一啖放晒入口，但當中最驚喜嘅係吞拿魚面頰肉，微微炙燒過後更有口感仲帶點彈牙。
另外銀鱈魚平時都係食開西京燒比較多，但今次經火炙後半熟更滑身同鮮味！
最後嘅香蔥拖羅手卷，成個手卷食到落尾都仲有好多拖羅蓉，同埋每一啖都食到香蔥碎，之後有機會會再試埋佢嘅丼飯😋
Post
