Woods (Closed)

旺角人多車多，我最鍾意嘅嘢都可以集中係旺角搵到，尤其是玩具同埋限量版波鞋。有人又好幸運地抽中 Air Jordon ，今日專程出去帶佢返屋企。之後經過一間裝修好有 木感嘅小店。店內環境幾好，座位唔係好多，樓底高傾計食嘢都幾舒服，一棵樹係我前面，感覺好像親親大自然難得室內環境咁好，先來兩杯 Milkshake $58好大杯啊！Banana & Strawberry ，兩杯味道都好味，甜蜜滋味又夠幼滑。感覺頗 fusion 的泰式青咖喱雞肉意粉 $148，味道帶點微辣，意粉十分彈牙。配料仲有啲茄子蔬菜。分量十足吃肉的見到 BBQ BABY BACK RIBS $208 ，又怎麼能夠放過呢？原條豬肋骨，外層酥脆口感。醬汁好清新。就連伴碟的粗薯條都炸得非常香脆。肋排骨肉分離，肉質軟腍，鮮美好吃。完美的句點當然要有一個特色甜品陪襯下啦！紫霞仙子名字十分漂亮，真身是紫薯窩夫配雪糕 $68。 waffle 外脆內軟，熱烘烘的，還有微甜的紫薯，再咬一口凍冰冰的雲呢拿雪糕口感超級豐富。