初芋 (Closed)

不嬲都好鍾意食芋圓同台灣小食，今日係旺角行街咁岩見到有間甜品舖好多人排，天氣又熱，就入去食個甜品- 🥚賞鮮小拼盤3號  $58台式鹵水拼盤系列，有4款拼盤，我地簡左3號，有豬耳、無骨鳳爪、雞蛋同蓮藕。鹵水汁好入味，每分小食份量足夠，豬耳、蓮藕爽口，無骨鳳爪、雞蛋濃味；而鹹度適中，有台灣既味道。-🍧重量級冰極芋圓鍋 $128有三色芋圓，同埋10種配料包括白桃果凍，荔枝果凍，椰子布丁，芋泥，紅豆，仙草，椰果，寒天珠，桃膠，蘆薈，超級豐富。自選糖水底，可選黑糖／椰子西米露／楊枝金露/椰汁初芋露，而我簡左椰汁初芋露，味道同配料好夾，芋圓粒粒好彈牙，芋頭西米露有粒粒芋頭，口感豐富。一送上枱就有噴煙，好適合打卡！-🥥滋補桃紅 $48黑糖桃膠系列有4款 養生既人可以簡呢個系列朋友揀左滋補桃紅，係紅棗桂圓加黑糖桃膠，整體feel到好養顏滋補嘅主角，黑糖桃膠微甜有咬口。-🥭 甘露椰香冰雪 $48見到幾多人喝呢個，芒椰味明顯，唔會太甜，除了沙冰也有芒果同椰果，口感豐富，夠大杯，夏天飲完一流。-🍇仲夏夜之夢$38雪碧加蝶豆花果凍同葡萄果凍，顏色外型好岩打卡，口感豐富。-📍初芋旺角西洋菜南街2N號新江大樓地舖