Video
Read full review
2024-07-24
2615 views
旺角人氣排隊名店：鳳鳴居！成日搭巴士經過都見到排哂隊，咁啱出旺角做完facial ，下午茶時間未食lunch，想食飽少少，見到舖頭唔係好多人，就決定試試佢。餐廳座位都幾闊落，見到有唔少單人座位，如果繁忙時間一個人嚟食都唔使同人搭枱。坐底之後店員就比左個QR code 落單，野食上枱既時間都好快。第一次食，穩陣d ，揀左classic 醉香雞湯米線。本身對d 小食都有興趣，但得一個人食唔到咁多><湯底帶有酒香，唔會太濃，雞湯有少少油，但唔會膩。米線保持到彈牙，我個人幾鍾意食。配料見到有紅棗、雲耳同雞件。雞件份量多，肉質嫩滑，唔會過熟。跟左一碟醬油，應該係點雞肉食既，不過個人覺得唔點醬都夠味。另外店家好細心，附上小碟去放雞骨，唔會食到污糟晒。總括而言，十分推薦👍🏻 飲晒成碗湯都冇問題😆
成日搭巴士經過都見到排哂隊，咁啱出旺角做完facial ，下午茶時間未食lunch，想食飽少少，見到舖頭唔係好多人，就決定試試佢。
餐廳座位都幾闊落，見到有唔少單人座位，如果繁忙時間一個人嚟食都唔使同人搭枱。坐底之後店員就比左個QR code 落單，野食上枱既時間都好快。
第一次食，穩陣d ，揀左classic 醉香雞湯米線。本身對d 小食都有興趣，但得一個人食唔到咁多><
湯底帶有酒香，唔會太濃，雞湯有少少油，但唔會膩。米線保持到彈牙，我個人幾鍾意食。配料見到有紅棗、雲耳同雞件。雞件份量多，肉質嫩滑，唔會過熟。跟左一碟醬油，應該係點雞肉食既，不過個人覺得唔點醬都夠味。另外店家好細心，附上小碟去放雞骨，唔會食到污糟晒。
總括而言，十分推薦👍🏻 飲晒成碗湯都冇問題😆
Post
