Video
Read full review
2022-11-13
322 views
Cafe Fabulous ©@cafe.fabulous呢排成日落雨都冇咩心情周圍去🌧 喺旺角行行下街落大雨，想搵個地方避雨坐下，突然諗起不如去board game cafe打發下時間🃏一入餐廳門口就見到好多個figure🗽不過放心呀，佢地全部都封印左係玻璃櫃裡面，唔怕玩boardgame玩得太興奮，唔小心撞爛左要賠幾萬🤭去到嘅時候都差唔多下午茶時段，嗌杯正價飲品可以以優惠價加配小食，大約平$20左右，而set meal應該係全日供應，一個main course加杯飲品🍝 其實計返數兩者都係around $100左右，但小食就多啲選擇🥪🍟 最低消費一杯嘢飲或者一個套餐，就咁嗌份小食就唔夠喇🫢除左食物，重點就係board game！餐廳有成個櫃嘅board games可以隨便借嚟玩，包括狼人、牛頭王、爆炸貓、大富翁、層層疊、閃靈快手、UNO，應有盡有🎲 餐廳都唔介意大家一路食一路玩添🎈黑松露軟殼蟹意大利飯🍚陣陣黑松露香味，芝士同蘑菇片份量充足，意大利飯軟硬適中🧀 加埋大隻到已經佔咗半隻碟嘅軟殼蟹，香脆可口，唔會話炸過龍搞到好油膩咁🔥芝士滑蛋牛柳漢堡配薯條🍔因為麻麻地想食太飽肚嘅麵，然後
@cafe.fabulous
呢排成日落雨都冇咩心情周圍去🌧 喺旺角行行下街落大雨，想搵個地方避雨坐下，突然諗起不如去board game cafe打發下時間🃏
一入餐廳門口就見到好多個figure🗽不過放心呀，佢地全部都封印左係玻璃櫃裡面，唔怕玩boardgame玩得太興奮，唔小心撞爛左要賠幾萬🤭
去到嘅時候都差唔多下午茶時段，嗌杯正價飲品可以以優惠價加配小食，大約平$20左右，而set meal應該係全日供應，一個main course加杯飲品🍝 其實計返數兩者都係around $100左右，但小食就多啲選擇🥪🍟 最低消費一杯嘢飲或者一個套餐，就咁嗌份小食就唔夠喇🫢
除左食物，重點就係board game！餐廳有成個櫃嘅board games可以隨便借嚟玩，包括狼人、牛頭王、爆炸貓、大富翁、層層疊、閃靈快手、UNO，應有盡有🎲 餐廳都唔介意大家一路食一路玩添🎈
黑松露軟殼蟹意大利飯🍚
黑松露軟殼蟹意大利飯
$138
19 views
0 likes
0 comments
陣陣黑松露香味，芝士同蘑菇片份量充足，意大利飯軟硬適中🧀 加埋大隻到已經佔咗半隻碟嘅軟殼蟹，香脆可口，唔會話炸過龍搞到好油膩咁🔥
芝士滑蛋牛柳漢堡配薯條🍔
芝士滑蛋牛柳漢堡配薯條
$48
55 views
0 likes
0 comments
因為麻麻地想食太飽肚嘅麵，然後係小食中spot到有burger，即刻決定好食咩😙 Menu上寫嘅係芝士滑蛋豬柳漢堡，不過店員話今日豬柳賣晒，轉牛柳好唔好，心諗梗係仲好啦🤣 漢堡包食落口有香脆感，應該搽過牛油再微微煎過🧈 雖然牛柳外表比較深色，但肉汁好juicy，雞蛋邊煎得焦香，蛋黃就係半生熟嘅狀態🍳 配埋蕃茄、生菜同沙律醬，滿足感🆙
芝士滑蛋牛柳漢堡配薯條
$48
29 views
0 likes
0 comments
熱百香果紅茶☕️
凍荔枝梳打🚿
熱百香果紅茶 凍荔枝梳打
$42
15 views
0 likes
0 comments
套餐包一杯$40嘅飲品，即係熱嘅水果紅綠茶，亦都可以加錢轉其他飲品，例如梳打、奶蓋茶、沙冰、花茶等等，印象中有成5/6頁嘅選擇😂
幾個鐘怕一杯飲品唔夠飲，但budget有限唔想嗌多杯，餐廳有得加$10轉大杯呢個option🤩
是日蛋糕 Oreo芝士蛋糕🔲
是日蛋糕 Oreo芝士蛋糕
$48
11 views
0 likes
0 comments
蛋糕芝士味香濃，入口滑溜🍰 餅底用左Oreo代替消化餅底，蛋糕面仲灑上厚厚嘅Oreo飲碎🍪 旁邊仲有大大pat嘅cream，非常邪惡😈
餐廳免費提供Wifi同叉電位🔋 真係好歡迎大家坐低慢慢hea🛋 話就話繁忙時間限時2個半鐘，但當日去玩到過晒時都冇俾人趕😜
Post
