Video
Read full review
2021-03-13
1314 views
每個熟食市場都總有間鑊氣小炒係好出名，今次同事介紹呢間係旺角花園街市政大廈3樓既熟食中心「松記大排檔」，一如以往既大排檔，無乜特別靚裝修，總係一大班麻甩佬飲啤酒食小炒把酒談歡😋 .餐牌價錢平均在$100內，比起北角/銅鑼灣/觀塘既大排檔相對便宜一點，另外呢間大排檔都好open，個個坐係度食野都見到個廚師就係度煮緊餸😝.松記小炒皇$98識我既人都知我好鬼中意食小炒皇，貪佢樣樣都有D,加埋一齊好好食，呢度小炒皇賣點係份量勁多，起碼有平時餐廳既1.5倍，除左一般小炒皇配料之外，主要係加左少少芽菜同菜匍，令到成碟餸好爽口，咬落索索聲。.椒鹽油錐$108比較少見既菜式，油錐呢種魚，唔係好多地方食到，成條魚用油炸到卜卜脆，再加大量蔥同蒜蓉輕輕兜一兜，屋企食唔到既特色菜式。.韮菜豬紅$68哇，呢個差d食唔晒，補血勝物必點！廚師俾鬼咁大碟黎，豬紅超過20件，韮菜又多，重點係夠晒汁😏每啖都好邪惡。.豉椒炒蜆$88屋企又係整唔到既菜式-豉椒炒蜆，要出面咁有鑊氣先整到又香口得黎唔會太老，炒蜆一整得耐就會「銀」左唔好食，佢地都整得唔錯，青椒紅椒份量都搭夠。.3條友放工搵間小炒飲下啤酒🍻，呢度都不嘗為一個好選擇
.
餐牌價錢平均在$100內，比起北角/銅鑼灣/觀塘既大排檔相對便宜一點，另外呢間大排檔都好open，個個坐係度食野都見到個廚師就係度煮緊餸😝
.
松記小炒皇$98
識我既人都知我好鬼中意食小炒皇，貪佢樣樣都有D,加埋一齊好好食，呢度小炒皇賣點係份量勁多，起碼有平時餐廳既1.5倍，除左一般小炒皇配料之外，主要係加左少少芽菜同菜匍，令到成碟餸好爽口，咬落索索聲。
.
椒鹽油錐$108
比較少見既菜式，油錐呢種魚，唔係好多地方食到，成條魚用油炸到卜卜脆，再加大量蔥同蒜蓉輕輕兜一兜，屋企食唔到既特色菜式。
.
韮菜豬紅$68
哇，呢個差d食唔晒，補血勝物必點！廚師俾鬼咁大碟黎，豬紅超過20件，韮菜又多，重點係夠晒汁😏每啖都好邪惡。
.
豉椒炒蜆$88
屋企又係整唔到既菜式-豉椒炒蜆，要出面咁有鑊氣先整到又香口得黎唔會太老，炒蜆一整得耐就會「銀」左唔好食，佢地都整得唔錯，青椒紅椒份量都搭夠。
.
3條友放工搵間小炒飲下啤酒🍻，呢度都不嘗為一個好選擇，旺角區大家搭車方便，價錢唔貴都大碟，藍妹都係$30/支，算抵飲啦！
Post
