八拾台式串燒 (Moved) New Location

日式，泰式同港式串燒就食得多，台式串燒都係第一次食，呢間餐廳係小店模式經營，同隔籬枱都比較親密。枱上面有個專為串燒保溫嘅爐，確保串燒都係熱辣辣。串燒嘅款式選擇都幾多，辣度可以選擇，我揀咗微辣但整體口味都偏向比較辛辣，啱晒啲食得辣嘅人。烤台灣花枝墨魚丸 $18花枝墨魚丸爽口彈牙，燒到有啲焦香，師傅仲特登𠝹幾多刀，令辣粉更入味。蒜蓉烤茄子🍆 $38原條茄子開邊燒，分量充足，蒜蓉夠晒多好入味，茄子好淋。烤鮮海蝦 🦐 $48/3串海蝦外殼燒到好香脆，內裏肉質鮮美。烤年糕 $18烤得幾香脆，口感有少少煙韌。烤臺灣白鱔 $48肉質偏向爽脆，燒得幾香口。烤挪威三文魚腩 $38燒得幾香又唔會太油。烤香菇 $18香菇幾厚身juicy, 亦有𠝹幾多刀令佢更入味。烤雞軟骨 $30/2串雞軟骨烤得幾爽脆。烤地捫菠蘿🍍 $18菠蘿就咁燒，不加任何調味，原汁原味，酸酸甜甜幾開胃，不過連皮燒會比較好，可以鎖住菠蘿肉汁。