Video
Read full review
2024-11-16
1129 views
約朋友食飯好多時都會約一齊食韓式炸雞，炸雞要同其他人一齊吹著水咁食先開心！最近就同朋友黎左旺角兆萬入面嘅Yadllie Plate。餐廳環境好寬敞舒適，食物選擇都好多，除左主打嘅炸雞之外，仲有好多韓式地道菜色同甜品添！點左一份半半炸雞。可以喺所有口味只能自選兩款，咁就可以試到多啲口味啦。揀左蜜味乳酪粉同埋黃金蒜香。蜜味乳酪鹹甜鹹甜咁個調味唔錯。黃金蒜香真係好重蒜味，而且呢款個炸雞炸得特別香脆脆口。兩隻味都各有特色，不過共同點係炸雞都好嫩滑同juicy。仲有炸到金黃嘅蕃薯條，好甜好好味！卡邦尼年糕。變奏版嘅韓式料理，將年糕配比較西式嘅卡邦尼醬汁，比起一般香辣嘅韓式炒年糕，呢個口味又唔錯，唔食辣嘅人士點呢個就啱晒。卡邦尼醬汁好creamy有奶香。年糕份量多，口感煙韌，入面仲有其他配料，例如魚糕、雞蛋、竹輪等等，幾豐富！解膩一流嘅烤牛肉水冷麵。冰涼嘅水冷麵口感酸爽清新，麵條口感有韌勁，完全可以解到炸雞嘅油膩同飽膩感。不過烤牛肉就麻麻，肉質比較鞋口，就咁水冷麵已經好味。最後甜品點左雪冰。有多款口味選擇，揀左蜜瓜。用左新鮮密瓜果肉再配蜜瓜嘅雪冰。蜜瓜始終唔係當造所以唔係好甜，不過雪冰嘅蜜瓜就好突
最近就同朋友黎左旺角兆萬入面嘅Yadllie Plate。
餐廳環境好寬敞舒適，食物選擇都好多，除左主打嘅炸雞之外，仲有好多韓式地道菜色同甜品添！
點左一份半半炸雞。
可以喺所有口味只能自選兩款，咁就可以試到多啲口味啦。
揀左蜜味乳酪粉同埋黃金蒜香。
蜜味乳酪鹹甜鹹甜咁個調味唔錯。
黃金蒜香真係好重蒜味，而且呢款個炸雞炸得特別香脆脆口。
兩隻味都各有特色，不過共同點係炸雞都好嫩滑同juicy。
仲有炸到金黃嘅蕃薯條，好甜好好味！
卡邦尼年糕。
變奏版嘅韓式料理，將年糕配比較西式嘅卡邦尼醬汁，比起一般香辣嘅韓式炒年糕，呢個口味又唔錯，唔食辣嘅人士點呢個就啱晒。
卡邦尼醬汁好creamy有奶香。
年糕份量多，口感煙韌，入面仲有其他配料，例如魚糕、雞蛋、竹輪等等，幾豐富！
解膩一流嘅烤牛肉水冷麵。
冰涼嘅水冷麵口感酸爽清新，麵條口感有韌勁，完全可以解到炸雞嘅油膩同飽膩感。
不過烤牛肉就麻麻，肉質比較鞋口，就咁水冷麵已經好味。
最後甜品點左雪冰。
有多款口味選擇，揀左蜜瓜。
用左新鮮密瓜果肉再配蜜瓜嘅雪冰。
蜜瓜始終唔係當造所以唔係好甜，不過雪冰嘅蜜瓜就好突出，好似食緊平時韓國嗰隻蜜瓜牛奶嘅雪冰版咁，中間仲插左支蜜瓜雪條！
飲品點左一jar暮色百香水果茶。
都夠3-4個人share，都係炸雞嘅絕配！
Post
