PokéToké

Open Now

Now Closed

位於旺角嘅「PokéToké」主打夏威夷蓋飯，餐牌除左有招牌蓋飯，客人仲可以因應自己喜好選擇配料同醬料 (自選蓋飯) 😊另外，客人可以自選配沙律菜，壽司飯，而且有雙拼選擇。叫左2個夏威夷蓋飯，2個夏威夷蓋飯擺盤都好靚，我揀選左飯拼沙律菜，食落有一種好清新嘅感覺，而且份量十足～所有材料配搭得恰到好處，口感層次豐富，唔會令人有罪惡感😂加州風味碗 $98升級套餐 (每日前菜及三文魚豆腐昆布湯) +$18配料相當豐富，包括有三⽂魚，青瓜，蛋絲，三⽂魚籽，車厘茄，日式胡麻醬，紫菜絲，木⿂絲，黑白芝麻。🔹️日式味付螺肉今日前菜係日式味付螺肉，口感爽滑味美，配上特製味付醬汁，好美味！🔹️三文魚豆腐昆布湯這個湯香味濃郁又鮮甜，配搭埋豆腐及昆布，將魚湯味道提昇。夏威夷波奇 $88呢個蓋飯材料包括吞拿魚，海帶，紫洋蔥，蟹籽，鰹魚醬油，紫菜絲，木魚絲，黑白芝麻。柚子梳打 $36清新芳香的柚子，味道清爽，呢排咁熱，飲番杯凍飲消暑。日式烏龍茶 $14烏龍茶甘醇濃郁，順口不苦澀，仲可以解膩。