楓 (Closed)

星期五放工去旺角行街，順便嚟呢間人氣小店食晚飯，我哋早去到所以唔使等位，坐低之後陸續有人嚟好彩我哋早到。大阪燒（蝦）$98呢個大阪燒賣相勁吸引，好多木魚絲，仲有紫菜粉。大阪燒粉漿軟硬濕度適中，裏面配料好多，除咗主角蝦仁、仲有大量椰菜絲、粟米粒同埋一啲菇粒。最重要汁醬夠多，燒汁加上美奶滋味道冇得輸。炙燒慢煮雞叉燒咖哩湯烏龍麵 $78咖喱湯烏冬一上枱香噴噴，雞叉燒有四大件，炙燒過充滿香氣，肉質柔軟嫩滑，厚切口感好好。烏冬，每條都掛滿咖喱湯汁，配上一啲粟米粒同埋京蔥，好惹味順口。焙茶豆乳/芝麻豆乳 +$29餐廳用上日本豆乳，焙茶充滿茶香香氣，芝麻真材實料真係會飲到好多芝麻顆粒，香氣濃郁。我哋跟餐加$29就有一杯。伯爵刨冰杯 $58而家炮兵杯做緊買一送一優惠，賣相都幾靚，幼滑嘅cream加上棉花冰充滿伯爵茶幽香，唔會太甜，而家天氣熱食得好舒服。