福岡漢堡扒 (鴻威大廈)

Open Now

Now Closed

之前喺尖沙咀嘅分店食過一次，個陣覺得好好玩，食物嘅質素又唔差；呢排去旺角行街，經過間鋪朋友又話想試下呢間。平時去燒肉鋪都好驚會好大陣油煙味，呢間嘅油煙味唔算好大，可能因為每個位都有一部獨立嘅抽風機，好快就抽走哂啲油煙味。如果兩個人一齊食，會建議大家叫二人套餐；除咗一人包一份漢堡扒，仲包埋前菜、飲品同一份丼飯，兩個人食都食到勁飽肚。1.二人套餐（Ver.3)👍芝士蛋蒜和牛漢堡扒每款嘅漢堡扒都係一樣，但係可以簡唔同嘅配料；漢堡扒上枱個陣成粒波咁，再將適量嘅漢堡扒平鋪放喺舊熱石到燒，燒個陣會聞到好香嘅牛味；因為舊熱石好熱，所以件漢堡扒好快就熟，唔洗調味都已經好夠味。如果擔心唔夠飽，漢堡扒係會跟埋白飯一齊上，餐廳好貼心，客人可以自選白飯嘅份量。值得一讚嘅係侍應見到我地燒咗一段時間，會主動幫我地更換熱石。👍月見味噌牛丼呢碗飯嘅份量都好多，一上到枱就見到啲配料勁多，表面鋪滿勁多雜菇、牛肉，仲有一隻生雞蛋。一開頭都驚個飯都好dry，但食落每一啖都好夠味，好適合配埋漢堡扒一齊食。