阿來泰式地道風味

Open Now

Now Closed

以前讀書時期，成日夜晚食嘅泰國菜，竟然至今仍然屹立不倒，回味吓所以食吓lunch 先，唔知有冇轉咗手呢，因為記得係好好食，點知都係仲係咁好食午市套餐既菠蘿炒飯炒飯熱辣辣上碟勁足料，食到有超多菠蘿；墨魚仔；蟹柳；臘味；提子乾；肉鬆。仲有其他配料。整體味道都好正宗，食完好滿足。呢個套餐仲會配埋嘢飲。泰式咖啡呢間小店嘅泰式咖啡可以揀加奶，店員問我加唔加奶，我選擇咗加埋奶試下。口味係偏泰式傳統甜咖啡味，奶味比較濃洧。對比起港式咖啡係幾唔同。鍾意飲甜少少嘅可以試吓。成個套餐$55嘢飲另外加$6套餐非常抵食。泰式炸蝦餅我地超級鍾意食蝦餅。蝦餅大大粒仲要有咁多嚿，炸到脆卜卜。蝦好鮮味同埋好彈牙，咬落完全唔會散。值得一讚嘅係食完唔會覺得好油膩，好正！咖喱炒軟殼蟹晏晝食呢個都有啲誇張㗎啦，但係真係好想食，店員一上呢碟菜啲香味就好勁，蛋香味好濃滑，味道啱啱好唔會好鹹。可能大廚係泰國人？個蟹又係炸到脆卜卜，浸落啲咖喱到食，少少辣味，平衡咗炸野個油膩感。食到連手指都損埋。可惜佢得蒜蓉包，好想配薄餅食椰青我專登叫咗呢個椰青飲。我覺得食泰國嘢一定要飲椰青。$38蚊大大個，好新鮮即開。可以撩埋入邊啲果肉食。非常足料