阿來泰式地道風味

Open Now

Now Closed

泰國菜嘅精髓與紅咖哩嘅由來🌶️泰國菜以其獨特嘅風味和豐富嘅食材而著名，融合酸、辣、甜、鹹四種味道，再加上各種香料，令人每一口都充滿驚喜。而紅咖哩嘅由來，係因為泰國人喺咖哩中加入紅辣椒、椰奶、香茅同檸檬葉，製成濃郁香辣嘅醬汁，再搭配各種海鮮或肉類，味道真係超讚！🍛 泰式香葉肉碎炒河：肉碎炒河加入香葉，香氣四溢，肉質嫩滑，河粉口感彈牙，濃郁嘅醬汁滲透每一條河粉，令人一試難忘。五十幾蚊足夠兩個人食仲送埋嘢飲，真係超值！🍲 冬陰功豬頸肉金邊粉：冬陰功湯底鮮香撲鼻，酸辣開胃，豬頸肉口感爽滑，金邊粉吸滿湯汁，每一啖都係味覺享受，絕對值得一試。🍗 泰式酸辣鳳爪：鳳爪酸辣適中，入口無骨，25蚊一份超抵食，絕對係小食嘅好選擇。🥬 泰式飛天通菜：新鮮嘅飛天通菜加入蒜蓉調味，口感脆嫩，味道獨特，只需25蚊，性價比極高。🍛 紅咖哩海鮮：紅咖哩醬香濃惹味，搭配各式新鮮海鮮，每一口都充滿海洋氣息，濃郁嘅椰奶香同辣味互相融合，層次豐富，令人食指大動。🍗 泰式海南雞例牌：雞肉嫩滑多汁，配上特色泰式醬料，味道鮮美，每一口都係幸福嘅滋味。📍 地址：旺角通菜街97號#阿來泰式地道風味 #旺角美食 #泰式料理 #香葉肉碎炒河

旺角的阿來泰式地道風味餐廳真係一個唔容錯過嘅地方！我同朋友夜晚去咗試呢度嘅幾款招牌菜，真係令人驚喜連連，每一道菜都令人難忘。 🌟首先，我哋叫咗椰青水。🥥呢個椰青水清甜可口，飲完即刻感覺清涼舒暢，好啱喺香港呢個熱辣辣天氣飲。 ☀️跟住我哋試咗泰式乾炒牛河。🍜呢道菜色香味俱全，牛肉嫩滑入味，河粉炒得乾香，仲有陣陣泰式香料味，令人一試難忘。 🤤海南雞例牌亦都係我哋必試之一。🐔雞肉嫩滑鮮美，每一口都充滿雞汁嘅味道，再配埋嗰碟特製醬汁，真係好味到爆。 💥另外，我哋仲叫咗豬肉同雞肉串燒沙爹。🍢呢啲串燒烤得香噴噴，沙爹醬汁濃郁，食落去唔會過鹹，每一串都充滿燒烤嘅風味。 🔥最後，唔少得當然係菠蘿炒飯。🍍呢碟炒飯色彩繽紛，菠蘿同飯粒完美融合，酸甜適中，非常開胃，而且海鮮配料豐富，有大大隻的蝦仁和魷魚粒。 🍤總括嚟講，阿來泰式地道風味餐廳真係值得一去，每一道菜都係精心製作，價錢合理，服務態度亦都好親切。 👍下次朋友再嚟香港，我一定會帶佢哋嚟呢度再食過！ 🥳

早兩日收工，見呢度人流幾多應該無伏，menu價錢又合理，就決定係呢間泰國餐廳食晚飯。兩個人叫左個湯，兩個小食，菜同炒飯，份量同味道都唔錯，難怪weekday都咁多人幫襯。🌟泰式鮮蝦冬蔭功湯(小)二人份量剛剛好，重非常足料，有蝦🦐、秀珍菇同車厘茄。湯底酸辣好開胃，好重香料同海鮮味，味道濃郁得黎唔會搶喉，個人覺得好飲過好多九龍城既泰國餐館出品。🌟飛天通菜🥗泰式既炒通菜唔知點解零舍好味。有鑊氣又咸咸香香，有辣椒絲所以有少少香辣，幾惹味。🌟燒豬頸肉🔥豬頸肉燒得好香，肉質爽口，有炭燒感覺，周邊重燒到脆脆哋好正，點唔點醬汁都咁好味！🌟蒜蓉牛油雞中翼睇到牆上張相就好想叫黎試，睇落好香口😜上碟足足有7隻雞中翼，蒜蓉同牛油組合無得輸，聞到已經流晒口水🤤雞翼炸得香脆可口，外層酥脆，內裡多汁👍🏻滿足😌🌟泰式香芒蟹肉炒飯呢個配搭第一次食，有新鮮感❤️$73食到呢個蟹肉同芒果嘅份量真係超值。除咗性價比，佢味道都做得好好，炒飯粒粒分明重夠哂鑊氣，下次一定encore! 😊

一班宅女去完信和 ，決定去附近吃個平靚正泰菜。之前朋友們提過所以決定再來。還是一樣不少人所以等了下才有位。立即叫四人餐及生蝦！先來飲品，椰青超鲜甜！ 另一杯朋友說味道蠻香。先上冬陰公湯，湯超香超辣，非常惹味？！然後是馬拉通菜，醬汁很多，熱辣辣很香口，配黃油飯好味。餐有的黃油飯，油香重又不會很膩。蝦餅炸得剛好超香脆，皮又不會厚身，好吃！生蝦，彈牙且肉不柴很不錯。蠔餅很香，啖啖飽滿的蠔肉跟煎得很香的蛋餅配太正。酸木瓜沙律魚，魚肉超滑，超大份好抵吃！這間當真性價比不錯。

今日約左朋友到旺角‘’阿來‘’食中午，旺角真係名不虛傳的“旺”。人山人海，尤其是中午食飯時間，阿來人來人往，座無虛席，店鋪不大，原來還有樓上雅座👍生意真的不錯呢～ 金柚子鮮蝦沙律 $78柚子還加上蔥花，粒粒香脆花生，更添口感，醒胃👍大蝦還細心地去了蝦腸，新鮮爽口😍 泰式鮮蝦冬陰功湯 $78酸酸辣辣，有菇菌，海鮮。細細碗都有三隻大蝦，滋味😋泰式火山骨 $118用上肉瘦脂肪少的長型豬脊骨堆疊成山而成，火山骨醮上口感酸辣的青辣椒蒜頭荽茜醬汁，味蕾一定讚👍 泰皇咖哩火山軟殼蟹法包 $158咖喱軟殼蟹麵包啲咖喱好香、好惹味，一啲都唔辣。 大大隻嘅軟殼蟹浸咗咖喱汁都依然脆口，加埋浸滿咖哩汁嘅麵包好充實，好飽肚😅 門口掛了午餐嘅餐牌，咁抵食👍難怪咁多人識嚟“阿來”啦，午巿仲免加一，正呀😍

呢間阿來泰一向都好抵食連叫外賣都唔貴今次就叫做炒金邊粉，同泰式肉片炒河兩樣都勁大份 仲要午餐有嘢飲金邊粉同炒河都好香口夠惹味而且好足料肉片炒河勁多肉而且個河粉好滑唯一不足係食到尾好多油

我地超鐘意食泰國菜；不過喺香港想搵間正宗風味嘅，都唔容易。今次呢間泰國菜，正宗道地，口味真係同泰國食嘅好似。夠正宗我地order幾款泰國出名菜式火山排骨，醬汁香濃，肉嫩🍖海南雞，皮爽肉滑泰式滷豬髀： 豬皮Q彈滑捋捋，豬髀夠入味鹽燒鰂魚🐟 肉嫩多汁，一啲都唔腥，連平時唔食魚嘅朋友仔都食左好多😋仲有泰式生菜包🥬 呢間真係要讚，真係有淡淡炒糯米香氣！平時出面好少食到咁正宗👍🏻呢度真係夠正宗，價錢又好抵！ 會再幫襯👍🏻👍🏻

難得約到朋友收工聚一聚，大家就揀左旺角呢間阿來泰式地道風味餐廳就算係平日，但都見到入面坐滿哂人咁濟我地4人就嗌左個4人餐，唔洗慢慢諗要食咩首先上嘅係野飲，我地各自嗌左椰青、三色冰同泰式奶茶我揀左奶茶，飲落唔會好死甜，好味然後係鮮蝦冬蔭公湯，雖然望落好似唔大兜，但非常足料，起碼有5-6隻蝦辣度非常夠，我平時食開小辣都有少少食到出汗，好惹味之後就係飛天通菜，通菜好爽口又唔辣我地將其中一個油飯轉左做蒜蓉包，岩岩整起好脆又熱辣辣，好食跟住仲有炸蝦餅同鐵板蠔仔餅，兩個趁熱食係超好味蝦餅炸得脆口又夠彈牙飽實，蠔仔餅有鐵板keep住熱度，食落有少火燙口但送飯一流仲有個香辣魚伴青芒沙律，份量十足，雖然青芒條有少少辣但連埋魚食就岩岩好而且魚炸到外脆內嫩，伴埋辣汁食真係好食到停唔到我地另外嗌左個生蝦刺身，本身自己少食生蝦，不過食落發現都好食4個人食完飽到不得了，呢個價錢同份量十分抵食！

已經encore過呢間泰國菜好多次，午市好抵食，午市餐牌仲做到好晏（5:30？）。蝦頭油炒飯香氣十足，有啲辣嘅，配埋泰式奶茶好正。香葉辣肉碎飯反而無蝦頭油炒飯辣，炒得好香，超級送飯。喇沙海南雞米線湯底濃郁，椰香味同香料味足，海南雞肉嫩滑，超正。基本上lunch叫過嘅每一款都好食。推薦

今日黎食一間長期排長龍既泰國菜，好近旺角港鐵站，一出行３分鐘左右就到。餐廳有兩層座位好足夠。食物味道保留泰國正宗風味之餘性價比好高。✨咖喱軟殼蟹咖喱味香氣濃郁，蟹肉外脆內嫩，搭配咖喱的濃厚滋味，口感層次豐富，搭配埋白飯一齊食，絕對可以食晒成碗飯😋✨燒豬頸肉豬頸肉肉質彈牙，燒得好香脆，食多幾塊都唔會覺得膩，個人覺得佢地既燒豬頸肉調味啱啱好，唔會太鹹亦唔會太淡，配埋個酸辣汁，開胃又滿足！✨馬拉盞通菜炒得好夠鑊氣又唔會過老，好惹味，泰國必點既菜！

餐廳價錢合理之餘份量都唔少，而且地點方便，Lunch時間一到𣊬間已經爆哂場，去開旺角諗唔到食咩都可以一試🥣泰式鮮蝦冬蔭功湯_小（$78）細細兜但材料非常豐富，而且蝦非常新鮮，湯底酸辣得黎又帶有海鮮既鮮味，愈飲愈開胃🥗泰式木瓜絲沙律（$78）清新可口，木瓜絲爽脆，酸甜既醬汁，又係好開胃而且夠健康🍖泰式火山排骨（$118）唔似其他地方用脊骨，呢度係用金湯骨，而且煮得好夠淋，醬汁酸酸辣辣所以食落唔會太漏，如果醬汁再多d就更加完美🍜泰式炒金邊粉（$55）份量都好多，金邊粉彈牙且吸滿了醬汁既味道，加上豐富既配料，再擠d青檸汁就更加惹味🥬馬拉盞炒通菜（$68）通菜爽脆，馬拉盞的既鹹香增加左唔少風味🍹青檸梳打（$25）食完咁多濃味既菜式，一杯清爽既青檸梳打可以解解膩🧉龍眼冰（$25）甜甜地幾清新，冷熱都岩飲

地道泰國菜除咗九龍城有之外，旺角都一間喎！四人餐5百幾，都好平吓必點冬蔭公湯，好飲👍🏻酸辣度剛好，不用大頭蝦。新鮮又有好多隻蝦餅，蝦味濃，炸得不油膩，有水準明爐烏頭，新鮮冇泥味！好大條，食完半條熄咗火可加湯加火繼續食😉蠔餅份量足，蠔仔又大又肥，炸得又好脆口，放碟底嘅芽菜，多水份又冇渣，值得一讚👏🏻豬、雞串燒各三串，大大嚿，唔嚡，好有滿足感😍大部分飲品都係廿幾蚊，咁平，真係好少見啦👍🏻4碗飯改蒜蓉包加$10就得，最後就黎咗4籃🤣🤣🤣食唔晒打包可以第日做早餐添

🎀旺角。超受歡迎爆場地道泰式小菜😋🎀🪄店名* #阿來泰式地道風味🔮地址* 旺角通菜街97號地舖🔮🗾分店地區🗾 沒有分店💰價錢$422 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_旺角剩系食呢一類👉食物類型搜尋🔍🍜#pickyme_泰國菜➖➖➖➖➖➖➖➖➖➖➖➖➖🎵餐廳環境🎵最近見到呢間泰國菜超出名 我地晚飯時間去到 舖頭外都排滿曬人等位 餐廳keep住爆場 真係好受歡迎☺️裝修就比較簡約平凡 似泰國當地小店 分開兩層空間 座位空間比較小 人山人海 好熱鬧🔥牆身更貼住不同熱門菜式既圖片～🍽️食物質素🍽️同一般泰國餐廳一樣 佢地提供既菜式都好多種類 除左有套餐之外 仲有好多地道小菜,小食等 菜式都大大份 性價比幾高 賣相就以味道為主 唔會整得特別精美 不過整體都幾高質👍👀評分💖💖💖💖💖🪄泰式鐵板蠔仔蛋$98好少食泰國菜會揀呢款 見到網上好多人推介於是叫黎試下 完全無失望！佢系用鐵板呈上 而家天氣甘凍仲可以保持熱辣辣😍同埋佢地既蠔仔份量好多 夠大隻夠肥美 蛋因為鐵板烘住所以質感就唔似滑蛋 下面會有芽菜墊住 味道都幾唔錯～👀評分💖💖💖💖💖🪄 泰式滷豬脾

今天一家做冬食泰菜，餐廳位置易找到先達對面。行上樓上有大圓枱方便合家歡。先點了四人餐，果然份量偏多。這個套餐包含了多道必叫菜式，而且包飲品。冬陰功湯：充滿了泰國的辛辣風味，香氣撲鼻。裡頭的椰奶和香茅增添濃郁的味道，配上微微酸辣的口感，實在是讓人胃口大開。每人一大碗，4至5人分享好好。泰式炸蝦餅：酥脆的外層包裹著鮮嫩多汁的厚厚蝦肉，每一口都熱辣辣充滿鮮味。明爐烏頭魚：明爐燒烤的方式，烏頭魚新鮮肉厚結實。魚肉保持了鮮嫩和多汁。風味醬汁適度的增添了香氣和口感，整道菜既簡單又美味。飛天通菜：清爽的蔬菜，通菜的脆度和嫩綠的色澤搭配上微辣的泰式醬汁，絕對是四人餐中的亮點之一。鐵板蠔仔蛋：有驚喜的菜餚，煎蛋與蠔仔的結合展現出獨特風味。以鐵板烹調，使得蠔仔蛋保持了彈牙的口感而不乾柴。一口咬下，蛋香和蠔鮮完美融合，沾上辣醬更是美味。如果愛吃面包，加$10一籃蒜蓉包絕對是一個好選擇。這個蒜蓉包微黃的外皮散發著蒜蓉氣味，外酥內軟。最後是另外加點的串燒，其中有三串雞肉和三串豬肉。這些燒烤串的肉質都很嫩，搭配上特製的沙爹醬汁，入口滋味豐富，是一個給肉食愛好者的絕佳選擇。

一食再食再去食，看到餐廳評價很高，便找個晚上來試試，要評泰國餐點，最重要是她們做的冬陰公湯，這裡的湯完全是100分，🍲冬陰公湯夠濃厚，蝦新鮮，椰味份量又不會搶走湯的鮮甜；蠔餅👩‍🍳蠔身大份量多；重點推薦🦀咖哩軟殼蟹，汁底蟹味特出，配合餐包，味道簡直是太驚喜。看到餐牌試仍有很蟹菜式未有機會試。一星期後，又忍不住再到旺角試一下午市，午餐價格跟茶餐廳一樣，以平價食泰菜，點了海南雞飯和泰式炒金邊粉，再次推薦海南雞飯，雞件鮮味又嫰又滑。餐廳環境都很整潔，員工都很禮貌，而且價錢親民。絕對值得推介的平民泰菜！