全日雞實驗所 (通菜街)

Open Now

Now Closed

呢間餐廳細細間，坐位唔多，星期日六點幾黎到見到已經好多人等位。我地第4張枱，等左大約10-15分鐘。溫泉雞脾套餐$73，再加$5轉左撈麵。原本我哋叫咗兩份雞髀餐，但得反一份雞髀，佢話如果要雞髀要再等多十幾20分鐘先有🫨🫨睇黎真係好好賣。而且叫完呢個撈麵，聽到佢話已經賣哂，好彩食到🥹🥹雞髀真係好滑，好高質，撈麵就偏鹹少少，但都好食👍👍由於太肚餓唔想等，所以另一份轉咗做温泉雞套餐$63（雞翼、雞胸、上脾），d雞都係好滑，雞胸肉好似食緊雞髀咁滑🥹🥹超正！另外加$13叫左一件桑拿瑤柱肉餅，都好食，正常發揮。原本仲想試下佢既咖央多士，可惜已經賣哂🫠🫠睇黎想食要晏就就好黎！