全日雞實驗所 (通菜街)

Open Now

Now Closed

呢間小店被譽為全港最好味海南雞平日夜晚都大排長龍睇嚟係有佢嘅原因😋✨ 溫泉雞胸柳套餐 $63海南雞用雞胸同雞柳去整嘅難度真係好高一唔小心就鞋到食唔到但佢哋嘅雞胸柳仲keep到嫩滑唔鞋口！雞皮仲有層薄薄啫喱絕對係增肌減脂人士最愛🧡小菜係醬油小黄瓜同雞一齊食好清新醬料有黑醬油、辣醬同薑蓉薑蓉竟然係磨到見唔到薑嘅影子有啲驚喜！跟餐靚湯有淡淡椰子香冇味精嘅雞湯～蔥油乾撈麵 +$5見到好多人嗌左呢個撈麵原來都好有驚喜！蔥油同乾蒜嘅組合加埋麵質煙韌有咬口簡簡單單已經好好味～熱柚子蜜酸酸甜甜冬天飲暖笠笠～✨蒜香娃娃菜 +$12娃娃菜煮得好腍好入味～✨桑拿瑤柱肉餅（3件） +$36食到肉餅入面有唔少瑤柱香氣撲鼻肉餅口感軟綿綿果然係焗過桑拿嘅肉餅🤣✨溫泉雞髀套餐 $73雞髀全部啖啖肉仲要冇骨岩晒懶人🤣雞嘅嫩滑程度比起雞胸柳更高～雞油香飯粒粒分明香氣仲好濃郁～呢個餐都係跟靚湯同醬油小黄瓜～今次揀左熱鳥龍茶✨咖央多士 +$25多士兩面都烘到金黃色脆卜卜入面夾左甜甜嘅咖央醬同勁大舊牛油牛油仲要溶溶地滲入多士入面雖然係卡路里炸彈🤰🏻但食完真係好回味👛人均消費 ~$100 (冇加一)⏱冇限時🔎地址旺角通菜街80號

全日雞實驗嘅雞聽聞係全香港最好食最近喺旺角開咗分店 近近地終於可以一試啦離遠已經見到門口好多人排隊同買外賣不過翻枱都好快 堂食好快就入得座😀🍴每款套餐均附有🔸香飯｜相比平時食開嘅油飯 呢度嘅香飯加入乾蔥同雞湯煮 香味十足 粒粒分明 🔹無味精靚湯｜椰子雞湯清澈鮮甜 有椰子香 完全唔油膩 有住家湯嘅感覺 非常出色🔸醬油小黃瓜｜黃瓜粒新鮮爽脆🔹三色醬汁｜薑蓉磨至幼滑creamy狀態 驚喜！另外辣汁同甜醬油都唔會太濃味就算點雞都唔會遮蓋雞嘅鮮味🐥溫泉雞套餐 包括雞翼/雞胸/上脾一次過可以食哂3個部位雞件嫩滑帶點鹹香另外加配咗桑拿瑤柱肉餅肉餅偏厚身 食落明顯地咬住肉粒 口感豐富豬肉肥瘦適中 配上瑤柱更具鮮味🐥溫泉雞髀套餐雞髀部分已去骨 食落特別嫩滑 雞皮呈鮮黃色有彈性 同雞肉之間仲有層啫喱香飯轉蔥油干撈麵麵條採用上海粗麵 麵質彈牙配搭新鮮蔥同乾蔥 同醬汁撈埋食味道唔錯額外再加咗份蒜香娃娃菜~🚩全日雞實驗所 旺角通菜街80號地舖另一間分店喺➡️北角和富道21-53號和富地庫B50-51號舖和富美食廣場C1及C2號舖

《全日雞實驗所の食評》 by@ihungry.hk專係食海南雞嘅餐廳，你有食過未，今日會同大家介紹一間位於旺角嘅全日雞實驗室👏🏻！全日雞實驗室係深水埗西九龍中心名物，憑著人氣嫩滑海南雞飯深得民心🧚🏻‍♂️，主打多款海南雞套餐同埋無味精靚湯，高質素絕對令到你回味無窮，絕對不負海南雞飯關注組Top 1之名🔥！🔸『溫泉雞髀套餐配香噴噴油飯 - $73』唔至賣相吸引，連味道都好吸引！溫泉雞髀超足料🐔，雞肉絕對唔係難，食落口超級嫩滑，而且肥膏脂肪啱啱好，雞髀超多肉7超正！🔸『溫泉雞套餐配蔥油拌麵 - $63』溫泉雞真係名不俱全🐓，雞嘅嫩滑程度絕對係上等，再加埋超級惹味嘅蔥油拌麵，同埋熱辣辣嘅冬瓜湯，絕對係三重享受😍！🔸『咖央多士 - $25』估唔到專係做海南雞店，都會有咖央多士！央多士有塊超厚牛油，再加埋香濃嘅斑斕醬，同埋脆卜卜嘅多士，簡直係超級邪惡👿！

鍾意食海南雞嘅朋友都話全日雞一定要去試試！講咗咁耐，終於去旺角店試吓咩料！星期五嘅晚上，排隊！同友人等咗大約半小時就入座。店舖唔算大，枱與枱之間都幾密下！坐低掃QRcode落單，方便快捷！我同友人都要咗雞髀位置配香飯，成set嘢有湯、青瓜、飲品！我呢個貪心鬼想一次過試埋多人讚嘅肉餅同咖央多士，有得加配喎！當然試埋佢！青瓜粒～爽，好食雞～係好嫩滑，但冇乜雞嘅味道，所以只能夠話普通。香飯～一樣係質感做得好，但爭咗個啲香味！湯～Ok，趁熱飲！肉餅～又係質感幾好，但味道唔算驚艷。咖央多士～今餐最欣賞嘅食物！！多士烘得剛好，牛油同咖央醬嘅用量配合得非常好！熱柚子蜜～好飲！整體係合格嘅，抵食！環境就迫左少少啦！

有食家朋友推介左呢間餐廳既海南雞，一去試完，發現除左海南雞之外，原本其他食物都好出色！多士十分優秀！一件接一件停唔到口，甜甜地再加牛油真係無得輸。而肉餅又好搶鏡，好有鮮味

餐廳位於旺角通菜街，環境裝潢簡約，同時亦不失科學感。食客人流不絕，繁忙時間可能需要排一陣隊先可以內進，餐廳主打溫泉雞套餐和一些小食。分別叫了一個溫泉雞脾套餐和溫泉雞下庄餐，兩個套餐都會包括無味精靚湯、醬油小黃瓜、自選麵飯和飲品。無味精靚湯飲得出無味精，飲完唔會覺得口渴。醬油小黃瓜清甜多汁，清味蕾同時有開胃既作用。溫泉雞脾雞下庄似溫泉方式浸泡雞隻，雞肉肉質鮮嫩軟熟，骨頭已經處理左，食落淡淡肉，雞油脂香濃可口，雞皮色澤金黃，口感爽口彈牙。一共有提供三種不同口味既醬汁，分別係黑醬油、辣醬及薑蓉。香飯葱油千撈麵套餐加$5可以轉葱油千撈麵咖央多士多士兩邊都烤得香脆，咖央和牛油份量有誠意，其厚度與多士相若，十分邪惡，食落充滿滿足感。蒜香娃娃菜娃娃菜有炸蒜粒鋪在表面，有口感之餘，娃娃菜食落特別惹味。

睇到某youtube頻道特登慕名而來，大約早上11點45分到埗，已經開始要等位先入到座。門口派位後自助落單形式，店頭店員都係講齊要講嘅指定語句，環境陳設都係行簡潔風，俾到人乾淨企理感覺。小店經營，繁忙時間坐得逼狹係可以體諒同理解。溫泉雞係本店招牌重心，瑤柱肉餅同樣吸睛，order咗份1號餐+$13肉餅，務求一網試盡。溫泉雞皮爽肉嫰，可見研發同執行功力能貫徹始終，唯獨雞味欠缺所謂肉香，但用價錢嚟睇已經收貨。油飯、味附青瓜正常味道，號稱冇味精嘅湯確實係冇味精，調味偏向清淡。瑤柱肉餅調味出色，唯肥肉偏多，愛健康人士未必喜歡。柚子蜜係新品推介，味道正常。總括而言，此店定位明確，性價比高，之後喺附近行開會再嚟試其他配搭。

最近，偶然的情況下，知道一間吃雞不錯的餐廳，剛好最近要去旺角一轉，就順便探探店。真的是小店，環境不太，大約二十五個位置左右，大地和木色系為主要色調，溫和及自然，有點像日系風格。都是手機落單，沒有收加一服務費，沒有問有沒有水，看到很多客人都沒有送水。待續。。。

🇭🇰 Mong Kok 旺角｜All Day Chicken Lab If you are looking for something cheap and yummy after the Christmas season, I highly recommend this restaurant! 😋 Not only are their chicken sets very reasonably priced, they also come with some refreshing seasoned cucumber and MSG-free soup! 🥣 You can also choose which part of the chicken that you want to try too! Here are what I ordered:•𝐂𝐡𝐢𝐜𝐤𝐞𝐧 𝐁𝐫𝐞𝐚𝐬𝐭 & 𝐅𝐢𝐥𝐥𝐞𝐭 𝐒𝐞𝐭 (𝐂𝐡𝐢𝐜𝐤𝐞𝐧 𝐅𝐥𝐚𝐯𝐨𝐫𝐞𝐝 𝐑𝐢𝐜𝐞)This set offers extra protein that some may prefer! They are so very te

呢間全日雞夫婦自己研發咗一部專浸海南雞嘅機器，令雞肉嘅每個部位都可以浸夠最佳時間⌛️就係所謂嘅溫泉雞♨️每件海南雞都慢煮後，令到雞嘅口感更嫩滑🤤Bellyjai今次就專程黎到旺角分店一試佢地嘅雞有幾嫩(˶‾᷄ ⁻̫ ‾᷅˵)————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⠀▪️ 溫泉雞套餐 $63 + 桑拿瑤柱肉餅 $13 + 醬油塘心蛋 $8招牌嘅溫泉雞套餐，一次過就食到雞翼、雞胸同上髀三個部位🥰雞肉嘅口感嫩滑，雞皮都唔油膩，睇得出係慢煮左好耐所以雞皮相對唔油🤤🤤配上佢嘅三色醬汁令到雞肉更加入味同易入口，而香飯亦都雞味濃郁。桑拿瑤柱肉餅都係另一款受歡迎小食，口感紮實，厚身多汁～仲有淡淡嘅瑤柱香，充滿層次感🫶🏻醬油塘心蛋有明顯嘅調味，都十分唔錯～食到油膩時仲可以飲啖椰子雞湯同涼拌青瓜解解膩(˶‾᷄ ⁻̫ ‾᷅˵)▪️ 溫泉雞胸柳套餐 $63 轉 蔥油干撈麵 $5呢個套餐就有雞胸同雞柳，岩曬想吸收多啲Proteins嘅朋友仔💪🏻雖然轉左蔥油干撈麵都係咁邪惡，蔥油干撈麵用左新鮮蔥同乾蔥撈上海粗麵，十分濃味🥹

是日聖誕節，祝大家聖誕節快樂小編今次就帶大家黎到旺角，同大家介紹一間海南雞關注組大推既人氣海南雞飯 一 全日雞實驗所 @alldaychicken.hk🌟温泉雞脾套餐配香飯 $73雞脾皮香肉嫩，雞油飯充滿油香，套餐仲包埋三款招牌醬汁(黑醬油、辣醬、薑蓉)、醬油小黃瓜、無味精餐湯🤤👍🏻🌟桑拿瑤柱肉餅套餐配香飯 $68肉餅有厚度之餘，肉質彈牙，食得出瑤柱味，套餐仲包埋醬油小黃瓜、無味精餐湯🤤👍🏻 📍全日雞實驗所地址：旺角通菜街80號地舖📍北角分店地址：和富道21-53號和富地庫B50-51號舖和富美食廣場C1及C2號舖#旺角 #全日雞實驗所 #雞飯 #油飯 #海南雞 #温泉雞 #全日雞 #雞油飯 #留港消費 #支持小店 #覓食旺角 #食在旺角 #温泉雞脾 #瑤柱肉餅 #為食關注組 #旺角食乜好 #海南雞關注組 #香港美食地圖 #九十後行到邊食到邊 #温泉雞脾套餐配香飯 #桑拿瑤柱肉餅套餐配香飯#HKIG #HKIGER #HONGKONGFOODIE

🥢🥢🥢bookmark好耐終於嚟咗食 回訪率=97%🥢🥢🥢$65 溫泉雞胸柳套餐 vs $65 溫泉雞套餐呢個價包咗嘢飲、香飯、無味精湯、醬油小黃瓜，勁抵食！本身啲雞唔肥，當然有雞翼雞脾會再滑身啲，最勁係雞胸柳竟然唔鞋口，皮同肉之間無咩脂肪，一向唔食雞皮嘅我被佢嘅爽口感驚豔到！三色醬油嘅黑醬油、薑蓉同辣醬都唔錯，薑蓉超軟細，點落無渣。兩隻字--高質！追加小食到係$12-$23左右必試咖央多！咖央醬比例啱啱好，好香牛油，外脆內油，正！桑拿瑤柱肉餅都係必食！超下飯！#食在旺角 #窮系女子 #全日雞實驗所 #旺角平食

🐓 溫泉雞胸柳套餐配香飯（$63）呢個套餐有雞胸同雞柳、無味精靚湯、醬油小黃瓜，三色醬汁同飲品，全部都係無骨，啱晒我呢啲唔鍾意𦧲骨嘅人，無味精靚湯係椰子雞湯，飲落口清甜唔油膩，醬油小黃瓜清甜爽脆，雞胸雞柳用咗自家研發嘅「浸雞機」烹調，就咁食好鮮味嫩滑，鍾意食濃味嘅朋友可以蘸埋三色醬汁（黑醬油、辣汁，姜蓉），油飯同出面嘅油飯唔同，加左乾蔥，香口得嚟唔油膩🐓 溫泉雞套餐配香飯（$63）呢個套餐有雞翼，雞胸同上髀、無味精靚湯、醬油小黃瓜，三色醬汁同飲品，呢個亦係佢哋其中一個招牌套餐，朋友將原本跟嘅香飯改為蔥油干撈面（+$5），干撈面有蔥油同炸蒜，麵條十分彈牙，味道同某品牌嘅撈麵好似🤭飲品方面揀咗佢哋自家製冷泡烏龍，入口茶味香濃，甘甜解渴🐔 3件桑拿瑤柱肉餅（+$36）肉餅厚身，肉味香濃，口感結實彈牙，食到一絲絲嘅瑤柱，瑤柱嘅鮮味相當突出亦唔會搶過肉餅嘅味道🥚 醬油溏心蛋（+$10）溏心蛋好香，佢嘅溏心亦啱啱好，唔會過生都唔會過熟，佢用咗甜醬油製成所以味道帶甜🥬 蒜香娃娃菜（半份）（+$12）娃娃菜雖然寫係半份但都有唔少份量，整體味道偏淡，蒜香味如果突出多少少就完美喇🐻‍❄️ 要品嘗到佢哋嘅溫泉

✨️旺角全日排隊嘅全日雞✨️睇youtube見過有影片介紹呢間海南雞專賣店，有自己嘅儀器去令到溫泉雞全日都keep到又滑又好食，好似浸溫泉咁，咁有心同吸引一於要試下。知道佢地北角都有分店，想試下旺角睇下點先。平日夜晚6點幾嚟到都已經排晒長龍，真係幾誇張🌟溫泉雞脾套餐 $73🌟識食一定食雞脾，肉質理應較彈牙及滑溜，結果真係好滑溜。外皮色澤金黃，肉質軟腍多汁，食落真係幾滑溜，好似岩岩浸左溫泉咁。最欣賞都係佢地個薑蓉，店主用機器磨得非常細滑，而且仲keep到薑蓉嘅香濃味，感覺幾特別。另外轉左蔥油干撈麵，食落都正常發揮，有應該有嘅味。我地再叫左個咖央多士，麵包烤到酥脆，入面搽左咖央醬，甜味岩岩好，配合埋牛油食邪惡得嚟又令人食完一舊又一舊，絕對唔會覺得好膩。🌟溫泉雞套餐 $63🌟溫泉雞套餐有雞翼又有雞脾，而且一樣都係咁滑溜，肉質軟腍易入口。呢個餐加埋個桑拿瑤柱肉餅試，肉餅幾厚身，肉質幾彈牙，每啖都食到有點瑤柱絲及瑤柱香味，幾有驚喜佢地連肉餅都整得幾唔錯，真係值得一讚

最近嚟到旺角全日雞嘆返個溫泉雞，發現全場坐滿晒，等咗位一陣但都好快入到去！😅聽到仲有唔少人叫外賣，人氣真係高！🔥全日套餐除咗包雞配三色醬汁同香飯，仲有湯同小黃瓜，加少少錢仲連埋小食添！🍽️北角都開咗分店，港島區嘅朋友都可以試下～😝🐥🍜 溫泉雞上庄套餐配蔥油干撈麵 $80（😸😸😸😺）雞肉厚身又油少，雞皮彈牙，啖啖肉真係唔錯！🤩泰式酸辣醬惹味，帶點微辣啱我地口味😝蒜泥清新唔重，豉油就係經典味道😌整體餐點份量大，對得住價錢😙撈麵加$5，些微蔥香加炸蒜頭做風味，麵質感唔算油膩偏乾身，配啖湯即刻解膩！👍🐥🍚 溫泉雞下庄套餐配香飯 $80（😸😸😸😺）下庄雞髀肉偏滑身且唔韌，份量都足，搭埋三色醬增加口味😋香飯油香少啲，唔想食得heavy就好足夠，飯粒唔會掛滿雞油，食落去唔會過膩！😋🍞咖央多士 +$25 （😸😸😸😺)淡淡加央汁，牛油香有少少搶咗主角，但整體都係香口之選，味道好夠！💖🥬 蒜香娃娃菜（半份）+$12 (😸😸😸😺)炸蒜粒好香，加少少淡豉油上味，油菜黎講滿意！😄🥣 湯 (😸😸😸😺)雞湯清甜，完全冇額外油份✨(*不設加一服務費) 服務：😸😸😸😸環境：😸😸😸回頭：😸😸😸😺打卡指數：😸😸😸整體評分：😸