牛繁一人燒肉 (朗晴坊)

Open Now

Now Closed

前排同朋友喺朗豪坊行完街，見到去咗隔離朗晴坊嘅一人燒肉食夜晚。 我叫咗份A7澳洲M9里脊肉＋横膈膜肉套餐，份量適中而且好好食。澳洲M9里脊肉的質地鮮嫩多汁，肉質細緻，每一啖都帶來了濃郁的牛肉風味。横膈膜肉就帶有一絲絲的嚼勁，使整個套餐更加豐富多樣。套餐仲附帶了月見汁、秘製燒汁、泡菜和牛繁蛋拌飯，作為一個經常食紫菜撈飯嘅人，佢哋嘅紫菜撈飯，加埋啱啱燒完嘅牛肉，絕對係數一數二。 另外，我朋友就食咗A10四重奏套餐，包括蔥燒牛胸花、汁燒肩胛片、味增豬五花和柚子胡椒雞腿肉。呢個套餐既特色在於能夠品嚐到不同種類的肉類。蔥燒牛胸花帶有獨特的蔥香味，而汁燒肩胛片就更加入味多汁。味增豬五花肉口感豐富，而柚子胡椒雞腿肉則帶來了一絲清新的酸辣風味。 話晒係一人燒肉，舖頭亦都有唔少用木板間格嘅自閉位，私隱度亦都好高，咁大家就唔需要怕尷尬要同唔識嘅人撐枱腳啦。無論一個人嚟食或者同朋友食都絕對係一間唔錯嘅燒肉餐廳。